કાર્યવાહી:વડદલાથી મહારાષ્ટ્ર તરફ 13 પશુ ભરીને જતી ટ્રક સેલોદ પાસે ઝડપાઇ

ઝઘડિયા તાલુકાના જીઆઇડીસી વિસ્તારના સેલોદ નજીકથી પોલીસે ગેરકાયદેસર 13 પશુ ભરીને જતી ટ્રક ઝડપી લીધી હતી. ઝઘડીયા પીઆઇ પી.એચ.વસાવા અને પોલીસ જવાનો પેટ્રોલિંગમાં હતા ત્યારે માહિતી મળી હતીકે એક ટ્રક ગેરકાયદેસર પશુઓ ભરીને પસાર થવાની છે.

પોલીસે મળેલ માહિતી મુજબ વોચ ગોઠવતા જીઆઇડીસી વિસ્તારના સેલોદ ગામ નજીક વીજ સબ સ્ટેશન પાસેથી એક ટ્રક ઝડપી લીધી હતી. રાજ્ય બહાર દુધાળા પશુઓની નિકાસ પર પ્રતિબંધ છે ત્યારે આવા પશુઓની હેરાફેરી કરતા ઇસમો સામે પોલીસે લાલ આંખ કરી છે. ઝઘડીયા પોલીસે 13 પશુ જેની કિંમત રૂ. 6.50 લાખનો મુદ્દામાલ કબજે કરી 2 શખ્સોની અટકાયત કરી હતી.