છેતરપિંડી:એશિયન પેઇન્ટ્સ કંપનીમાંથી 64.42 લાખનો માલ લઇ ટ્રાન્સપોર્ટર ઉડનછુ

અંકલેશ્વર જીઆઇડીસીમાં આવેલા એશિયન પેઇન્ટસ લિમિટેડ કંપનીમાં ગત 23 ઓક્ટોબરે ઓનલાઇન બુકિંગ કરી અંકલેશ્વર પટેલનગર ખાતે રહેતા સંદીપગીરી ધીરજગીરી ગોસ્વામીનો સંપર્ક થયો હતો. કંપનીમાંથી માલ પહોંચાડવા ટ્રક માલિક એવા સંદીપગીરીએ 2 ટ્રકમાં એશિયન પેઇન્ટ્સ કંપનીમાં સીલીગુડી વેસ્ટ બંગાળ ખાતે મોકલવાનો 31 લાખ ઉપરાંતનો માલ ભર્યો હતો તેમજ એક ટ્રકમાં જલંધર પંજાબ ખાતે મોકલાવનો રૂા. 33.33 લાખનો માલ ભર્યો હતો. જે અંગે ભાડા રૂપે 1.75 લાખ રોકડ લીધા હતા અને બંને ટ્રક માલ ભરી રવાના થઇ હતી.

જોકે નિયત સમય સુધી માલ જગ્યા પર નહીં પહોંચતા એશિયન પેઇન્ટ્સ કંપનીને છેતરપિંડી અને વિશ્વાસઘાત થયો હોવાનું બહાર આવતા જીઆઇડીસી પોલીસ મથકે ટ્રાન્સપોર્ટર કમ ટ્રક માલિક સંદીપગીરી ગોસ્વામી, ટ્રક ચાલક ફરહાન ગુલફામ અને ઈરફાન નામના ઈસમ વિરુદ્ધ ફરિયાદ નોંધાવતા પોલીસે રૂા. 64.42 લાખની છેતરપિંડી ગુનો નોંધી વધુ તપાસ આરંભી હતી.