વિવાદ:વરસાદી કાસમાંથી પ્રદૂષિત પાણી ખાડીમાં ફેલાતું રોકતી પાળ ગાયબ

અંકલેશ્વર જીઆઇડીસી હદ વિસ્તારમાં ઓદ્યોગિક પ્રદુષિત પાણી વરસાદી કાંસ દ્વારા ખાડીઓ ને પ્રદુષિત થવાની અનેક ફરિયાદો બાદ જીપીસીબી, NCT અને નોટિફાઇડ ના અધિકારીઓ ની ટીમ દ્વારા કેટલાક ચોક્કસ સ્થળો નક્કી કરી પ્રદુષણને કન્ટ્રોલ કરવા વરસાદી કાસ પર અલગ અલગ જગ્યાઓ પર માટીના પાળા બનાવવામાં આવ્યા હતા જે કેટલાક પ્રદુષણ પ્રેમીઓ દ્વારા દૂર કરી દેવામાં આવ્યા છે.

ભૂતકાળમાં સી પમ્પીંગ પાસેથી અમરાવતી ખાડી અને બી પમ્પીંગ સ્ટેશન પાસેથી છાપરા ખાડીમાં આ પ્રદુષિત પાણી જવાના કારણે જળચળ પ્રાણીઓ અને માછલીઓના મૃત્યુના બનાવો તેમજ ખાનગી જમીનો પ્રદુષિત થઇ હોવાના બનાવો બન્યા હતા અને જીપીસીબીની તપાસના અનુસંધાને જીપીસીબી દ્વારા નોટિફાઇડ અંકલેશ્વરને કસુરવાર માની નોટીસો અને 10 લાખ રૂપિયાના દંડ સહીતની કાર્યવાહી કરવામાં આવી હતી. પ્રકૃતિ સુરક્ષા મંડળના સલીમ પટેલ ના જણાવ્યું હતું, કે હવા અને પાણીના પ્રદુષણ બાબતે અંકલેશ્વરના આકડાઓ આજે પણ જીપીસીબી ના માપદંડો થી વિપરીત છે. ત્યારે તેને કન્ટ્રોલ કરવા માટે થતી કાર્યવાહીમાં અવરોધ પેદા કરનારા તત્વો સામે કાર્યવાહી કરવામાં આવે એવી માંગણી છે.