કાર્યવાહી:વાલિયાના હોલાકોતર ગામે પત્નીની હત્યા કરનારા પતિને આજીવન કેદ

વાલિયાના નિકોલી હોલા કોતર ગામ ખાતે પત્ની ની આડા સંબંધના વહેમ માં હત્યા કરાર નાર પતિને આજીવન કેદ ની સજા ફટકારવામાં આવી છે. બનાવનીવિગતો અનુસાર વર્ષ 2015 માં વાલિયા તાલુકાના નિકોલી હોલા કોતર ગામ ખાતે રહેતા શૈલેષ છોટુ વસાવાના લગ્ન સોનલ વસાવા જોડે થયા હતા. અને તેમની 2 દીકરીઓ પણ હતી. લગ્ન જીવન દરમિયાન શૈલેષ વસાવા પોતાની પત્ની પર શંકા હતી કે તેનો સંબંધ અન્ય કોઈ ઈસમ સાથે જે શંકા દ્રઢ બનતા આડા સંબંધના વહેમમાં 1 જૂન 2015 માં પોતાની જ પત્ની સોનલને ગંભીર રીતે માર મારી હત્યા કરી નાખી હતી. અને મૃતદેહ નેસંતાડી દીધો હતો. અને તેને નાશ કરવાનો પ્રયાસ કર્યો હતો.

જે અંગે જે તેવખતે વાલિયા પોલીસ મથકે ફરિયાદ દાખલ થતા વાલિયા પોલીસેગુનો નોંધી તપાસ શરુ કરી હતી. પોલીસ એ શૈલેષ છોટુ વસાવા શંકા આધારે ધરપકડ કરી પૂછપરછ કરતા હત્યાની કબૂલાત કરી હતી. આ કેસ અંકલેશ્વર ની એડિશન સેશનકોર્ટના જજ વી.જે કલોત્રા સમક્ષ ચાલી ગયો હતો. સરકારી વકીલ જીગર પંચાલની દલીલ ને પુરાવા રજૂ કરી સાંયોગિક પુરાવા સાથે મૃતક સોનલ ની દીકરી નેહા ની જુબાની રજૂ કરી હતી. કોર્ટે આરોપી પતિને આજીવન કેદની સજા ફટકારી છે.