ક્રાઇમ:ભરણ ગામે વીજ ટ્રાન્સફર્મર તોડી કોપરની ચોરી

અંકલેશ્વર તાલુકાના ભરણ ગામ ખાતે 3 જેટલા ખેડૂતો તેમજ પુનગામ ખાતે 1 ખેડૂત ના ખેતર નજીક કોપર ચોરોએ 4 જેટલા વીજ ટ્રાન્સફર્મર તોડી પાડ્યા હતા અને અંદર થી 30 હજાર ઉપરાંતની કોપર કોઇલ ની ચોરી કરી લઇ ગયા હતા તેમજ 20 હજાર ઉપરાંતનું ઓઇલ ધોળી નાખી તેમજ સ્તર તોડી નાખી નુકશાન કરી ફરાર થઇ ગયા હતા.

આ અંગે વીજ નિગમ ખાતે ખેડૂતો દ્વારા જાણ કરવામાં આવતા વીજ નિગમે તપાસ આરંભી આ અંગે તાલુકા પોલીસ મથકે ફરિયાદ નોંધાવતા તાલુકા પોલીસે ગુનો નોંધી વધુ તપાસ આરંભી હતી.