નોન કોવિડ જાહેર:અંકલેશ્વરની જયાબહેન મોદી હોસ્પિટલ નોન કોવિડ જાહેર

કોવિડ 19ની પરિસ્થિતિમાં કોવિડ પોઝિટિવ દર્દીઓને તદ્દન નિઃશુલ્ક સારવાર પુરી પાડવામાં ભરૂચ જિલ્લાની સૌપ્રથમ કોવિડ હોસ્પિટલ શ્રીમતી જયાબેન મોદી હોસ્પિટલ ખુબ જ મોટો ફાળો આપી રહી હતી. ઉપરાંત કોવિડના દાખલ દર્દીઓમાં 96 % જેટલો મહત્તમ રિકવરીનો દર પ્રાપ્ત કરી હોસ્પિટલે મોટી સિદ્ધિ હાંસલ કર્યો છે.

હોસ્પિટલને બધી જ રેગ્યુલર ઓપીડી, એડમિશન, ઓપરેશન અને ઇમર્જન્સી સેવાઓ શરૂ કરવાની મંજૂરી આપવામાં આવી છે. આ મંજૂરી મળતા જ હોસ્પિટલના તમામ કર્મચારીઓ અને તબીબો રાબેતા મુજબના કામમાં જોડાઈ ગયા છે. તકેદારીના ભાગરૂપે હોસ્પિટલમાં તમામ સાવચેતી અને પ્રોટોકોલ પ્રમાણે સાફ સફાઈ અને સ્ટરીલાઈઝેશનની પ્રક્રિયા દોજ વારંવાર કરાઇ રહી છે. હોસ્પિટલની ઓપીડીનો સમય વધારી દેવાયો છે. જેમાં બધા જ ફુલટાઇમ ડોક્ટર્સ હાજર રહેશે. સુરત અને વડોદરાના વિઝિટિંગ ડોક્ટર્સની ઓપીડી પણ રાબેતા મુજબ ચાલુ કરી દીધી છે.