સ્થાનિક સ્વરાજ્યની ચૂંટણી:તાલુકા-જિલ્લા પંચાયતની ચૂંટણી લડવા ભાજપના 106 કાર્યકરોએ દાવેદારી કરી

ભાજપ પ્રદેશ પ્રમુખ સી.આર. પાટીલની ઉમેદવારો જાહેર કરેલા નિયમો બાદ અંકલેશ્વર તાલુકા ભાજપમાં ટિકિટ મેળવા રાફડો ફાટ્યો છે. તાલુકા પંચાયત અને જિલ્લા પંચાયત લડવા 106 ભાજપી કાર્યકરો દાવેદારી કરી છે. સૌથી વધુ ભરકોદરામાં 18 ફોર્મ ભરાયા છે. વર્ષો જુના મિત્રો સામે મિત્રએ કરી દાવેદારી કરી ચૂંટણી આવતાજ મિત્ર બન્યા રાજકીય શત્રુ બન્યા છે.

અંકલેશ્વર નગરપાલિકામાં જ્યાં નવા નિયમો સાથે પીઢ રાજકીય પાલિકા સભ્યો ની ટિકિટ કપાતા અનેક અટકરો શરૂ થઇ ગઈ છે. અને રાજકીય દાવપેચ સહીત ખટપટનું રાજકારણ સામે આવી રહ્યું છે. દાવેદારો પોતાના વોર્ડ દાવેદારી કરવાને લઇ દાવેદારી બદલાય છે. તો નવા નિયમનો આવતાજ વોર્ડ દીઠ 12-12 ઉમેદવારોનો રાફડો સામે આવ્યો છે. અને તેવા નામો નક્કી કરી પ્રદેશ મોવડી ને ભાજપ મોકલવા માટે શહેર ભાજપએ કવાયત આરંભી છે. તેવી જ રીતે હવે તાલુકામાં પણ આ ડખા સામે આવ્યા છે. જ્યાં 6 જિલ્લા પંચાયત અને 26 તાલુકા પંચાયત બેઠક માટે 106 ભાજપના કાર્યકરો દાવેદારી કરી મુશ્કેલી વધારી દીધી છે. ખાસ કરી ભરકોદ્રા જિલ્લા પંચાયત અને કોસમડી તાલુકા પંચાયત ની 2 બેઠક પર સૌથી વધુ 18 જેટલા ફોર્મ ભરાયા છે.