શિક્ષકો અને વિદ્યાર્થીઓનું સન્માન:સાળવી સ્વસ્તિક પ્રાથમિક શાળાના 32માં સ્થાપના દિવસની ઉત્સાહભેર ઉજવણી કરવામાં આવી

ભારતના વડાપ્રધાન નરેન્દ્રભાઇ મોદીના આહ્વાન સાથે પાલનપુરના સ્વસ્તિક શૈક્ષણિક સંકુલ સંલગ્ન સાળવી સ્વસ્તિક પ્રાથમિક શાળા સોળગામ લેઉવા પાટીદાર પ્રગતિ મંડળ,પાલનપુર સંચાલિત એસ.સી.સાળવી અને એમ.એસ.સાળવી પ્રા.શાળાના સ્થાપનાને 31 વર્ષ પૂર્ણ થતાં શાળા પરિવાર દ્વારા શાળાના 32માં સ્થાપના દિવસની ઉત્સાહભેર ઉજવણી કરવામા આવી હતી.

બનાસકાંઠા નાયબ કલેકટર પી.સી.દવે, પાલનપુર નગરપાલિકા પૂર્વ પ્રમુખ હેતલબેન રાવલ, મનસુખભાઇ પ્રજાપતિ,મંડળના પ્રમુખ રમેશભાઇ પટેલ, ઉપપ્રમુખ પ્રકાશભાઇ ગામી,મંત્રી જયંતિભાઇ ઘોડા,પ્રકાશભાઈ સાળવી, નવનીતભાઈ ભૂટકા, શંકરભાઈ, સુનિલભાઈ સાળવી, રોહિતભાઈ ભુટકા, રામચંદભાઇ માતમડા સહિત મંડળના તમામ પદાધિકારીઓ ઉપસ્થિત રહ્યાં હતાં સાળવી પ્રા.શાળાના જન્મદિન ઉજવણી પ્રસંગે ઉપસ્થિત મહેમાનોના હસ્તે કેક કટીંગ કરવામાં આવી હતી. તદઉપરાંત, વર્ષ દરમિયાન શૈક્ષણિક અને સાંસ્કૃતિક હરીફાઇઓ અને પરીક્ષાઓમાં વિજેતા થનાર શાળાના વિદ્યાર્થીઓનું પ્રમાણપત્ર આપી સન્માન કરવામાં આવ્યું હતું.

જેમાં શાળાના સિનિયર શિક્ષિકા અને ધો.1 થી 4 ના સુપરવાઇઝર પિનાબેન ડેરિયાનું વિશેષ સન્માન કરવામાં આવ્યુ હતું. તદઉપરાંત, વિવિધ પરીક્ષાઓમાં વધુ પ્રમાણપત્ર મેળવનાર શાળાની દીકરી નિરાલી ભાણોતરને "બેસ્ટ સ્ટુડન્ટ ઓફ ધ યર"નો એવોર્ડ અને રમત-ગમતક્ષેત્રે શ્રેષ્ઠ પ્રદર્શન કરનાર શાળાની અન્ય વિદ્યાર્થીની રેન્સી સબાસણાને "બેસ્ટ પ્લેયર ઓફ ધ યર"નો એવોર્ડ આપી સન્માન કરવામાં આવ્યું હતું આ સમગ્ર કાર્યક્રમનુ આયોજન મંડળના પ્રમુખ રમેશભાઇ પટેલના માર્ગદર્શન હેઠળ શાળાના આચાર્ય મહેશભાઇ પટેલ અને ઉપાચાર્ય રવિન્દ્રભાઇ મેણાત સહિત સમગ્ર સ્ટાફના સહકાર થી કરવામાં આવ્યું હતું.