આવેદન:પ્રોટોકોલ મુદ્દે મહિલા અધિકારીને ખખડાવવા મામલે મેવાણી સામે દલિત સમાજનું આવેદન

કરમાવદ અને સરકારી કોલેજ માટેની માંગને લઈ બે દિવસ અગાઉ નિવાસી કલેકટરને આવેદનપત્ર દરમિયાન મહિલા અધિકારીને પ્રોટોકોલ શીખવાડતા જીગ્નેશ મેવાણી સામે જિલ્લા ધાનધાર વણકર સમાજ દ્વારા કલેકટરને આવેદનપત્ર પાઠવી આ પ્રકારની હરકતને વખોડી કાઢી હતી.

ધાનધર વણકર સમાજ પાલનપુર એ કલેકટરને અનુલક્ષી ચીટનીશ ટુ કલેકટર એમ.એમ.પિરજાદાને આવેદન પાઠવી લેખિત રજૂઆત કરી જણાવ્યું હતું કે "નિવાસી અધિક કલેકટર અમારા અનુસૂચિત જાતિના છે. તેમને આ રીતે ઉતારી પાડવા એ અપમાન બરાબર છે. તેથી ધારાસભ્ય વડગામ બની બેઠેલા દલિત નેતાને ન શોભે એવા અનુસૂચિત જાતિના અધિકારીને ન છાજે તેવા શબ્દો એ ચાડી ખાય છે.

તે નામના જ દલિત છે. માત્ર વોટ લેવા પૂરતા દલિતો સાથે રહે છે. સમગ્ર મામલે વડગામ ધારાસભ્ય નો સંપર્ક કરવાનો પ્રયાસ કરતા તેમને કોલ રીસીવ કર્યો ન હતો જ્યારે મહિલા અધિકારીએ સમગ્ર બાબતે કંઈ પણ કહેવાનું ટાળ્યું હતું.