સસ્તી અને સલામતભરી સવારી:પાલનપુર એસટી કચેરી દ્વારા અંબાજીના મેળામાં 300થી વધુ બસો દોડાવાશે

પાલનપુર2 મહિનો પહેલા
  • કૉપી લિંક
  • વર્ષ 2019માં પાલનપુર વિભાગીય કચેરીને રૂપિયા 1.86 કરોડની આવક થઇ હતી

સુપ્રસિદ્ધ યાત્રાધામ અંબાજી ખાતે ભાદરવી પૂનમનો મહામેળો કોરોનાકાળના બે વર્ષ બાદ તારીખ 5થી 10 સપ્ટેમ્બર દરમિયાન યોજાનાર છે. મીની કુંભમાં મોટી સંખ્યામાં યાત્રીઓ આવવાની સંભાવનાને લઇ માઇ ભક્તો સસ્તી અને સલામતભરી સવારી કરી શકે તે માટે પાલનપુર એસટી વિભાગીય કચેરી દ્વારા આ મેળામાં 300થી વધુ બસો દોડાવવાનો નિર્ણય લેવામાં આવ્યો છે.

મેળાની તડામાર તૈયારીઓ શરૂ
શક્તિપીઠ અંબાજીનો ભાદરવી પૂનમનો મહામેળો કોરોનાના કારણે બે વર્ષ બંધ રહ્યો હતો. જોકે, આ વર્ષે કોરોના સંક્રમણ નહિવત હોવાના કારણે સાત દિવસીય મેળો યોજાવાની તૈયારીઓ તડામાર શરૂ થઇ ગઇ છે. આ મેળામાં મા અંબાના દર્શન કરવા પદયાત્રીઓ દુર દુરથી આવતા હોય છે. ત્યારે આ યાત્રીઓને પરત જવામાં સરળતા રહે તે માટે એસટી નિગમ દ્વારા બસો મૂકવામાં આવી રહી છે.

સાત ડેપોમાંથી 300થી વધુ બસો દોડાવાશે
ચાલુ વર્ષે ભાદરવી પૂનમના મેળામાં પાલનપુર વિભાગીય એસટી કચેરીની તાબામાં આવતા પાલનપુર, ડીસા, દિયોદર, થરાદ, અંબાજી, રાધનપુર અને સિદ્ધપુર સહિત સાત ડેપોમાંથી 300થી વધુ રૂટની બસો દોડાવવામાં આવશે. વર્ષ 2019માં ભાદરવી પૂનમનો મેળો એસટી નિગમને ફળ્યો હતો. જેમાં પાલનપુર વિભાગીય કચેરીને રૂપિયા 1.86 કરોડની આવક થઇ હતી.

અન્ય સમાચારો પણ છે...