• Gujarati News
  • Local
  • Gujarat
  • Aravalli
  • Gandhiji's Cremation Memorial In Mahadevgram, Modasa, Deprived Of Development, Villagers Demand Declaration Of The Site As A National Monument

મીની રાજઘાટ વિકાસથી વંચિત:મોડાસાના મહાદેવગ્રામમાં ગાંધીજીના અસ્થિ વિસર્જન સ્મારક વિકાસથી વંચિત, આ સ્થાનને રાષ્ટ્રીય સ્મારક જાહેર કરવા ગ્રામજનોએ માગ કરી

અરવલ્લી (મોડાસા)11 દિવસ પહેલા

26 જાન્યુઆરી રાષ્ટ્રીય પર્વ હવે નજીકમાં છે ત્યારે અરવલ્લી જિલ્લાના મોડાસા તાલુકાના મહાદેવગ્રામ ખાતે આવેલ મહાત્મા ગાંધીનું ગુજરાતનું એક માત્ર સમાધિ સ્મારક વિકાસ જંખે છે. સ્થાનિકો આ સ્થળને રાષ્ટ્રીય સ્મારક જાહેર કરવાની માંગ કરી રહ્યાં છે.

મોડાસા થી 12 કિલોમીટર દૂર મેશ્વો અને જુમર નદીના સંગમ તટે આવેલા મહાદેવ ગ્રામ - બાકરોલ ગામ છે. આ ગામમાં દરેક સમાજની વસ્તી રહે છે. આ ગામના એક અગ્રણી દ્વારા મહાત્મા ગાંધીજીના અસ્થિ લાવીને મેશ્વો અને જુમર નદીના સંગમ તટે પધરાવ્યા હતા. જે તે સમયે અસ્થિ પધરાવ્યા ત્યાં ડુંગરની તળેટી પર નાની ડેરી બનાવી હતી અને 2 ઓક્ટોમ્બર ગાંધી જયંતિ અને 30 જાન્યુઆરી ગાંધી નિર્વાણ દિન આ બે દિવસોએ ગ્રામજનો દ્વારા પ્રાર્થના અને ભક્તિગીતના કાર્યક્રમ દ્વારા બાપુને શ્રદ્ધાંજલિ અપાતી હતી.

જેમ જેમ સમય ગયો એમ આ સ્થાનક બાબતે જિલ્લા વાસીઓને પણ જાણ થઈ. ત્યારે સમાધિ સ્મારક પાસે જવા માટે રસ્તો પણ નહોતો. જેથી સાબરકાંઠા જિલ્લાના પૂર્વ સાંસદ ડો.મહેન્દ્રસિંહ ચૌહાણે 8 લાખ રૂપિયાની ગ્રાન્ટ ફાળવી હતી અને દિલ્હીના રાજઘાટ જેવું જ મીની રાજઘાટ સમાધિ સ્મારક બનાવ્યું. ગ્રામજનો અને પૂર્વ સાંસદના પ્રયાસથી તે વખતના રાજસભાના સંસદ અમિત શાહ દ્વારા તેમની ગ્રાન્ટમાંથી 55 લાખની ફાળવણી કરાઈ હતી. હવે આ સ્થાનનો મહિમા વધતો ગયો છે. ત્યારે હજુ પણ પૂરતી પાયાની સુવિધા આ સ્થળ પર નથી. જેથી ગ્રામજનોએ આ સ્થાનને રાષ્ટ્રીય સ્મારક જાહેર કરવાની માંગ કરી છે અને આ સ્થાનનો પૂરતો વિકાસ થાય એ માટે સરકારે પ્રયત્નો હાથ ધરવા જોઈએ એવી માગ કરી છે.

અન્ય સમાચારો પણ છે...