• Gujarati News
  • Local
  • Gujarat
  • Aravalli
  • Commencement At Modasa K.N.Shah High School; A Total Of 1010 Contestants From 226 Competitions Of 23 Works Of The District Will Participate

જિલ્લાકક્ષાનો કલા મહાકુંભ:મોડાસા કે.એન.શાહ હાઈસ્કૂલ ખાતે પ્રારંભ; જિલ્લાની કુલ 23 કૃતિઓની 226 સ્પર્ધાના 1010 સ્પર્ધકો ભાગ લેશે

અરવલ્લી (મોડાસા)21 દિવસ પહેલા

અરવલ્લી ખાતે રમતગમત યુવા અને સાંસ્કૃતિક પ્રવૃતિઓ વિભાગ ગાંધીનગર, કમિશનર યુવક સેવા અને સાંસ્કૃતિક પ્રવૃત્તિઓ ગાંધીનગર, જિલ્લા વહીવટી તંત્ર અરવલ્લી, જિલ્લા રમતગમત અધિકારી કચેરી, અરવલ્લી તથા એન એન શાહ મોડાસા હાઇસ્કુલ મોડાસા આયોજિત કલર પ્રતિભાશોધ મહોત્સવ કલા મહાકુંભ ૨૦૨૨-૨૩ની જિલ્લા કક્ષાની સપર્ધાનું આયોજન કરવામાં આવ્યું.

સંસ્કૃતિનું જતન કરવું તે આપણી જવાબદારી
આ કાર્યક્રમમાં અરવલ્લી જિલ્લા કલેક્ટર ર્ડો. નરેન્દ્રકુમાર મીનાએ સંબોધન કરતા જણાવ્યું કે, એક વૈવિધ્યસભર સાંસ્કૃતિક ક્ષેત્ર વિવિધ કાર્યક્રમો અને ઇવેન્ટ્સ દ્વારા આપણા જિલ્લામાં કલા કુંભ યોજાઇ રહ્યો છે. જે આ ક્ષેત્રની ભૂમિ અને સમૃદ્ધ બહુસાંસ્કૃતિક વારસામાંથી પ્રેરણા મેળવનારા જિલ્લાના અપાર પ્રતિભા ધરાવતા દરેક પ્રતિયોગિને શુભકામનાઓ આપું છું. કલા આપણી સંસ્કુતિ છે અને તેનું જતન કરવું તે આપણી જવાબદારી છે. આવનારી પીઢી માટે આ કલાની સંસ્કૃતિ જાળવવા માટે આપણે જતન કરવું પડશે.

કલા આપણી સંસ્કૃતિ અને પરંપરાની ભેટ
જેમાં આ વખતે કલા મહાકુંભમાં જિલ્લાકક્ષાએ બે દિવસ દરમિયાન કુલ ૨૩ કૃતિઓમાં વિવિધ ૨૨૬ સ્પર્ધાઓમાં કુલ ૧૦૧૦ ભાઈ બહેનો ભાગ લેવાના છે. જેમાં વકૃત્વ સ્પર્ધા, નિબંધ લેખન, ચિત્રકલા, ભરતનાટ્યમ, એક પાત્રીય અભિનય, લોકનૃત્ય, રાસ ગરબા, સુગમ સંગીત, લગ્ન ગીત, સમૂહ ગીત, લોકગીત-ભજન, તબલા, હાર્મોનિયમ, કાવ્યલેખન, ગઝલ શાયરી, લોકવાર્તા, દુહા છંદ ચોપાઈ, સર્જનાત્મક કારીગરી, સ્કૂલ એન્ડ ઓર્ગન, કથક અને શાસ્ત્રીય કંઠ્ય સંગીત જેવી સંપર્ધાઓનું આયોજન કરાયું છે.

અન્ય સમાચારો પણ છે...