શિક્ષણ મંત્રી અરવલ્લીની મુલાકાતે:બેઠકો જળવાઈ રહે તે માટે જિલ્લા અને તાલુકાના સંગઠનના હોદ્દેદારો સાથે એક મિટિંગ યોજી

અરવલ્લી (મોડાસા)2 દિવસ પહેલા

ગુજરાતમાં હાલ વિધાનસભા ચૂંટણી નજીકમાં છે, ત્યારે દરેક રાજકીય પાર્ટીએ કમર કસી છે. ત્યારે આમ આદમી પાર્ટી સક્રિય થયા પછી કોંગ્રેસ પાર્ટી સક્રિયતાની ભૂમિકામાં આવી ગઈ છે. આજે મોડાસા સર્કિટ હાઉસ ખાતે કોંગ્રેસના અગ્રણી અને છત્તીસગઢના શિક્ષણ મંત્રી ઉમેશ પટેલ અરવલ્લી જિલ્લાની મુલાકાતે આવ્યા હતા. હાલ અરવલ્લી જિલ્લાની ત્રણે બેઠકો કોંગ્રેસ પાસે છે ત્યારે આ બેઠકો જળવાઈ રહે તે માટે જિલ્લા અને તાલુકાના સંગઠનના હોદ્દેદારો સાથે એક મિટિંગ લીધી હતી અને કાર્યકરોને ટિપ્સ આપી હતી.

ખૂબ નાની ઉંમરે છત્તીસગઢના શિક્ષણ મંત્રી બનેલા કોંગી અગ્રણીએ સાબરકાંઠા અરવલ્લી જિલ્લાની મુલાકત લઈ પાર્ટીને વધુ સંગઠિત કરી તમામ બુથ સુધી પહોંચી કોંગ્રેસ તરફી વધુને વધુ મતદાન કરાવી બેઠક જળવાઈ રહે એવા પ્રયત્નો કરવા જણાવ્યું હતું.

અન્ય સમાચારો પણ છે...