ઉપગ્રહનો ભંગાર ચીનનો હોવાનો દાવો:હાર્વર્ડ યુનિવર્સિટીના ખગોળશાસ્ત્રીએ કહ્યું - મળી આવેલો મેટલ બોલ ચીનના રોકેટનો ભાગ

ઉમરેઠએક મહિનો પહેલા
  • કૉપી લિંક
જોનાથન મેકડોવ્લે, ખગોળશાસ્ત્રી - ફાઇલ તસવીર - Divya Bhaskar
જોનાથન મેકડોવ્લે, ખગોળશાસ્ત્રી - ફાઇલ તસવીર
  • ઉમરેઠ અને ભૂમેલમાં 10 દિવસ અગાઉ ઘટના બની હતી
  • ગત સપ્ટેમ્બરમાં 5500 કિલોનું રોકેટ લોન્ચ કરાયું હતું

ઉમરેઠમાં દસ દિવસ અગાઉ ત્રણ સ્થળે આકાશમાંથી ઉપગ્રહનો ભંગાર પડ્યા બાદ સમગ્ર પંથકમાં તેને લઈને ભારે કુતૂહલ જોવા મળ્યું હતું. દરમિયાન, સમગ્ર બનાવ બાબતે પોલીસ દ્વારા અને એફએસએલ દ્વારા તપાસ હાથ ધરાઈ રહી હતી ત્યારે થોડાં જ દિવસો બાદ પુન: નડિયાદના ભૂમેલ પાસે પુન: આ જ પ્રકારનો મેટલ બોલ પડ્યો હતો.

જોકે, સમગ્ર બનાવની નોંધ વિશ્વભરના ખગોળશાસ્ત્રીઓ દ્વારા લેવામાં આવી હતી. જેમાં ખગોળીય ઘટનાઓ પર સંશોધન કરનારા અને હાર્વર્ડ યુનિવર્સિટી સાથે સંલગ્ન એવા હાર્વર્ડ-સ્મિથસોનિયન સેન્ટરમાં ખગોળશાસ્ત્રી તરીકે ફરજ બજાવતા ખગોળશાસ્ત્રી જોનાથન ક્રિસ્ટોફર મેક્ડોવ્લે પોતાના સંશોધન બાદ મેટલ બોલ ચીનનો હોવાનો દાવો કર્યો હતો અને આ મામલે તેમણે ટ્વીટ પણ કર્યું હતું.

જોનાથન મેકડોવ્લે ટ્વીટ કરી જણાવ્યું હતું કે, ચીન દ્વારા વર્ષ 2021ના સપ્ટેમ્બરમાં 5500 કિલોનું પે લોડ ચેંગ ઝેંગ 3બી નો સીરીયલ y86 ના રોકેટને લોન્ચ કરવામાં આવ્યું હતું. આ રોકેટ જીઓસ્ટેશનરીની ભ્રમણકક્ષામાં ત્રીજા સ્ટેજના પ્રવેશ દરમિયાન ખોટી ગણતરી કરવાને પગલે તૂટી પડ્યું હતું. એવું નથી હોતું કે તે જાણી જોઈને ફેંકવામાં આવતું હોય છે. પરંતુ તેને જ્યારે અંતરિક્ષમાં મોકલવામાં આવે ત્યારે પ્રથમ વખત, બીજી વખત અને ત્રીજી વખત એમ ત્રણ સ્ટેજમાં તેને મોકલવામાં આવે છે. જેટલી દૂર વખત તેને છોડવાનું હોય એટલી વખત તેના સ્ટેજ તૈયાર કરાતા હોય છે. દરમિયાન, અનેક વખત તે પ્રથમ કે બીજી વખતમાં પરિક્રમા કરવાને બદલે તૂટીને નીચે પડતાં હોય છે. પૃથ્વીના વાતાવરણમાં સેટેલાઈટનો ભંગાર 0900-1200UTC એટલે કે, ભારતીય સમય પ્રમાણે બપોરે 2.30થી 5.30ના સમયે પ્રવેશ કર્યો હોઈ શકે છે.

આગળ તેઓ જણાવે છે કે, આ મેટલ બોલ ખૂબ મોટાં હોય છે અને તેનું વજન પણ અનેક કિલોનું હોય છે. પરંતુ ઘર્ષણને કારણે તે ઘસાઈને આવતા હોય છે. એટલે ક્યારેક એવું પણ બને છે કે, અનેક કાટમાળ તો પૃથ્વી પર આવતા પણ નથી. પરંતુ ચરોતરમાં પડેલા મેટલ બોલનું વજન અનેક કિલોનું હોઈ શકે છે. પરંતુ તે ઘસાઈને પૃથ્વી પર પડ્યા હોય ત્યારે તેનું વજન પાંચ કિલો હોઈ તેવી સંભાવના હાલ કેટલાંક ખગોળશાસ્ત્રીઓ વ્યક્ત કરે છે.

રોકેટનો માર્ગ બદલાય અથવા ગણતરીમાં ભૂલ થાય ત્યારે આવી ઘટના બને છે
રોકેટ દ્વારા મોકલવામાં આવતા સેટેલાઈટ હંમેશા બે પ્રકારના હોય છે, એક પોલર તથા બીજો જીઓસ્ટેશનરી પોલર. એ સ્પેસના બે પોલની આસપાસ ભ્રમણ કરે છે. જ્યારે જીઓસ્ટેશનરી એ પૃથ્વીની આસપાસ ગોળ-ગોળ ભ્રમણ કરે છે. જ્યારે રોકેટને છોડવામાં આવે છે તેને સ્ટેજ એક કહેવામાં આવે છે. જેમાં રોકેટ ઉપરની તરફ જાય છે.

બીજા સ્ટેજમાં કોઈ સાધનમાં વારંવાર એન્જિન ચાલુ બંધ કરી શકાય એમ રોકેટ માં જુદા જુદા પાર્ટ એક્ટિવ થઈ રોકેટની પાછળથી ધક્કો મારે છે. જ્યારે ત્રીજા સ્ટેજમાં એક વાતાવરણમાંથી બીજા વાતાવરણમાં રોકેટ જતું હોય કેટલાંક ભાગ તેમાંથી ઓટોમેટિક અલગ થઈ જાય છે. એ કાં તો હવામાં તરતા રહે છે અથવા સમુદ્રમાં તેને પાડવામાં આવે છે. પરંતુ જો સામાન્ય સંજોગોમાં કોઈ કારણસર રોકેટનો માર્ગ બદલાય અથવા તો ગણતરીમાં ભૂલ થાય ત્યારે આવી ઘટના બનતી હોય છે.

અન્ય સમાચારો પણ છે...