શિયાળાની શરૂઆત:ચરોતર પંથકમાં સુસવાટા મારતી ઠંડી શરૂ

આણંદ-ખેડા સહિત સમગ્ર પંથકમાં ઠંડીનો તબક્કો શરૂ થઈ ગયો છે.જેને લઈને છેલ્લા ત્રણ દિવસ આણંદ-ખેડા સહિત પંથકમાં લઘુત્તમ તાપમાનનો પારો 15 થી 16 ડિગ્રી રહેતાં મોડી રાત્રે અને વહેલી સવારે ઠંડીનો અહેસાસ થવા લાગ્યો છે. આમ શુક્રવારે લઘુત્તમ તાપમાનનો પારો 16 ડિગ્રી નોધાયો હતો. હવામાન વિભાગના જણાવ્યા અનુસાર દિવાળી બાદ આગામી દિવસોમાં ઠંડીનું જોર હજી વધશે અને લઘુત્તમ તાપમાનનો પારો 12 ડિગ્રીની આસ-પાસ પહોચશે.