ધરપકડ:ઉમરેઠના પશુક્રૂરતા ગુનામાં ભાગતા બે આરોપી ઝબ્બે

આણંદ જિલ્લાના ઉમરેઠ પોલીસ મથકના પળુઓ પ્રત્યે ક્રુરતાના ગુનામાં નાસતા ફરતા બે આરોપીઓને આણંદ પેરોલ ફર્લો સ્કોવોડની ટીમે સુરેલી ચોકડી પાસેથી ઝડપી પાડી આગળની કાર્યવાહી હાથ ધરી છે. આણંદ પેરોલ ફર્લો સ્ક્વોડના પીએસઆઇ પી.એ. જાદવ તેમજ સ્ટાફના દિનેશભાઈ, કુણાલભાઈ સહિતના માણસો નાસતા ફરતા આરોપીઓને ઝડપી પાડવા સારું પેટ્રોલિંગમાં હતા. ત્યારે બાતમી મળી હતી કે, ઉમરેઠ પોલીસ મથકમાં નોંધાયેલ પશુઓ પ્રત્યે ક્રૂરતાના ગુનામાં નાસતા ફરતા બે આરોપીઓ સોકતખાન નિવાજખાન પઠાણ (રહે. સુરેલી વાછેલીયા મહોલ્લા) અને મુખત્યારખાન ઇમામખાન પઠાણ (રહે. કાલસર-તળપદ તા-ઠાસરા) જે બંન્ને સુરેલી ચોકડી આવેલ છે. આણંદ પેરોલ ફર્લો સ્કોડની ટીમે સુરેલી ચોકડી ખાતે છાપો મારી નાસતા ફરતા બંને આરોપીઓને ઝડપી પાડી આગળની કાર્યવાહી હાથ ધરવામાં આવી છે.