આયોજન:આજે સવારે કાળી ચૌદશ સાંજે દિવાળીની ઉજવણી, દેવમંદિરોમાં ધાર્મિક કાર્યક્રમોનું આયોજન

ચાલુ વર્ષે કાળી ચૌદશ અને દિવાળી એક દિવસે આવે છે. સવારના 14 અને સાંજના અમાસ છે. જેથી ચરોતરવાસીઓએ બંને તહેવારની ઉજવણી આગવું આયોજન કર્યું છે.જેમાં સવારે આણંદ લાંભવેલ મંદિર અને નડીઆદ કોકરણ હનુમાનજી મંદિર વિશેષ પૂજન કાર્યક્રમ રાખવામાં આવ્યા છે.જયારે દિવાળી નિમિતે સાંજ મંદિરોમાં મહાપૂજન અને આરતી સહિતના કાર્યક્રમોનું આયોજન કરવામાં આવ્યું છે.

શુક્રવાર મોડીસાંજ થી કાળી ચૌદશ શરૂ થઇ ગઇ છે. શનિવાર સાંજ સુધી ચાલશે.જો કે કાળીચૌદશના તમામ કાર્યક્રમો શનિવારના રોજ સવાર થી સાંજ સુધી યોજવામાંઆવ્યા છે.રોકડિયા હનુમાન મંદિર ખાતે સવારના 4 થી રાત્રિના 10 વાગ્યા સુધી દર્શન કરી શકે તેવું આયોજન કરવામાં આવ્યું છે. જેમાં લાંભવેલ હનુમાનજી મંદિરમાં વહેલી સવારે કાળી ચૌદશ નિમિતે વિશે મારૂતી યજ્ઞ અને આરતી પૂજન કાર્યક્રમનું આયોજન કરવામાં આવ્યું છે. તેમજ તાત્રિકોએ આ વખતે દિવસે પૂજન કાર્યક્રમ યોજવામાં આવનાર છે.

સાંજના 4 વાગ્યાબાદ દિવાળી શરૂ થતી હોવાથી દેવમંદિરો લક્ષ્મીપૂજન કાર્યક્રમ યોજવામાં આવ્યો છે.જયારે દુકાનદારો સાંજના દિવાળીનું ચોપડા પૂજન કરવાનું આયોજન કર્યું છે. આણંદ રોકડીયા હુમાન મંદિરે કાળી ચૌદશ નિમિત્તે રૂપચર્તુદર્શી ઉત્સવ ઉજવવામાં આવશે. વહેલી સવારે આરતી, સહિત યજ્ઞ અને મહા અન્નકુટનું આયોજન કરવામાં આવ્યું છે . આણંદ સહતિ ચરોતર પંથકના શ્રધ્ધાળુઓને કાળી ચૌદશ નિમિત્તે મંદિરના સંચાલકો દ્વારા અનુરોધ કરવામાં આવ્યો છે.