ત્રાસ:યુવતીને પરણિત યુવાન સાથે મૈત્રી કરાર કરવો ભારે પડયો,બે વર્ષમાં જ માર, ત્રાસથી હેરાન થઇ

આણંદના સારસા ગામી સુથાર પોળમાં પદમાબેન ભગવાનસિંહ પઢીયાર ઉ.વ.29 પોતાની માતા સાથે રહે છે. બે વર્ષ પહેલાં તેમને પીયરના રામનગરના રવિભાઇ રાજુભાઇ પાટીલ કે જે પરણીત હતા. તેમ છતાંય પ્રેમ થઇ ગયો હતો. જેેથી બંને એ મૈત્રી કરાર કર્યો હતો. તેઓ રવિના ઘરે રહેવા ગયા હતા. આ દરમ્યાન બંને વચ્ચે ઝગડા થતા ત્યારે રવિ તેમને મારતો હતો.

રવિના ત્રાસથી પદમાએ 10મી ઓગષ્ટે મૈત્રી કરાર રદ કરવા સ્ટેમ્પ પેપર લખાણ તૈયાર કરાવ્યુ હતું. પંરતુ રવિએ તેમાં સહી કરી ન હતી. વીસેક દિવસ બાદ રવિ સમજાવીને પદમાને પાછો રામનગર લઇ ગયો હતો. ગત અઠવાડિયે રવિએ પદમાને ગાળો બોલી બે-ત્રણ લાફા મારી કહ્યુ હતું. તારી મમ્મીને ફોન કરીશ કે જાણ કરીશ તો તેને પણ જાનથી મારી નાંખીશ. આ અંગે પોલીસ સ્ટેશને યુવક વિરૂધ્ધ ફરિયાદ નોંધાવી છે.