અકસ્માત:તારાપુર પાસે બાઈક સ્લીપ થતાં ચાલકનું મોત

તારાપુર ખાતે રહેતો કમલેશભાઈ ચૌહાણ ગત ચોથીના રોજ પોતાના ઘરેથી બાઈક લઈને કામ અર્થે નીકળ્યો હતો. દરમિયાન તે તારાપુર-સોજિત્રા રોડ પર આવેલા સીતારામ રાસ મીલ પાસેથી પસાર થતો હતો. એ સમયે અચાનક સ્ટેયરીંગ પરથી કાબુ ગુમાવતા બાઈક સ્લીપ થતાં શરીર અને માથાના ભાગે ગંભીર ઈજા પહોંચી હતી. તેને તાત્કાલિક સારવાર અર્થે પ્રથમ આણંદની ખાનગી હોસ્પિટલ અને એ પછી વધુ સારવાર અર્થે વડોદરા અને અમદાવાદની સિવિલમાં લઈ જવામાં આવ્યો હતો. જ્યાં સારવાર દરમિયાન મોત નીપજ્યું હતું. આ બનાવ તારાપુર પોલીસે ગુનો નોંધ્યો છે.