સાવચેતી:આણંદ રેલ્વે દ્વારા ફુટ બ્રીજના પોપડા ખરતા બંધ કરી દેવાયો

આણંદ રેલ્વે સ્ટેશન ખાતે ચાર દાયકા જુના ફુટ ઓવરબ્રીજ વર્ષો જુનો થઈ જતા મરામતના અભાવે પોપડા ઉખડી રહ્યા હતા. ત્યારે ટ્રેન પસાર થતી વખતે કોઈ અસ્કમાતનો બનાવ બને નહીં તેવા હેતુથી નવીનીકરણ કામગીરી માટે બંધ કરી દેવાયો છે. જેના પગલે 1 થી 4 પર ટ્રેનમાં મુસાફરી માટે પ્લેટફોર્મ પર જવા માટે જીવના જોખમે રેલ્વે પાટા ઓળંગીને અપ ડાઉન કરવાની ફરજ પડી હતી.

આણંદ રેલ્વે સ્ટેશન ખાતે ફુટ ઓવરબ્રીજ વર્ષો જુનો થઈ ગયો હોવાથી પોપડા ઉખડીને નીચે પડતા હોય છે. આથી તંત્ર દ્વારા 3 કરોડ ખર્ચ કરીને નવીન ફુટ ઓવરબ્રીજ બનાવવામાં આવનાર છે. જેના પગલે ફુટ ઓવરબ્રીજ પતરા લગાવીને બંધ કરી દેવાયો છે. જેના પગલે મુસાફરો સહિત પરીખ ભુવન વિસ્તારના હજારો લોકોને હાલાકીઓનો ભોગ બનવુ પડે છે.

જો કે બીજો કોઈ વિકલ્પ નહીં હોવાથી ખંભાત પ્લેટફોર્મ 1 થી અમદાવાદ -વડોદરા, ગોધરા પ્લેટફોર્મ પર જવા માટે મુસાફરોને વહેલી ટ્રેન પકડવા માટે જીવના જોખમે રેલ્વે પાટા ઓંળંગવાની ફરજ પડતુ હોવાનું મુલાકાત દરમિયાન જણાવ્યું હતું. બીજી તરફ રેલ્વે તંત્ર દ્વારા છ મહીનામાં ફુટ ઓવરબ્રીજ કામગીરી પુર્ણ કરી દેવાશે.