તસ્કરી:વિદ્યાનગરમાંથી બાઈક ચોરાયું

અમદાવાદના નવા વટવા વિસ્તારમાં રહેતા કેયુર પટેલ પોતાની બાઈક લઈ અમદાવાદથી વિદ્યાનગર ખાતે મોટા બજારમાં રહેતા પોતાના મિત્રને મળવા આવ્યા હતાં. તેઓએ પોતાનું બાઈક પ્રભુ એપાર્ટમેન્ટ પાસે પાર્ક કર્યું હતું. ત્યારે રાત્રીના સુમારે તસ્કરો બાઈકની ચોરી કરી ફરાર થઈ ગયા હતા. બીજા દિવસે સવારે કેયુરભાઈ પોતાની બાઈકની શોધખોળ કરવા છતાં બાઈકનો કોઈ પત્તો મળ્યો નહોતો. આ બનાવ અંગે વલ્લભ વિદ્યાનગર મથકે ફરિયાદ નોંધાવતા પોલીસે ગુનો નોંધ્યો છે.