પથ્થરમારો:આણંદના બાકરોલમાં બાઈક અથડાવવા મામલે બે જૂથ વચ્ચે પથ્થરમારો, સામસામી પોલીસ ફરિયાદ

બાકરોલના લીમડીચોક પાસે બાઈક અથડાવવા બાબતે બે જૂથો વચ્ચે બોલાચાલી બાદ મામલો બીચક્યો હતો.બંને જૂથના લોકો સામસામે આવી ગયા હતા અને ભારે પથ્થરમારો કર્યો હતો. ઘટનાની જાણ થતા વિદ્યાનગર પોલીસ ઘટનાસ્થળે દોડી ગઈ હતી અને મામલો થાળે પાડ્યો હતો. આ બનાવ અંગે વલ્લભ વિદ્યાનગર પોલીસે બંને જ્ઞાતિના 15 આરોપીઓ વિરુદ્ધ સામસામે ગુનો નોંધી વધુ તપાસ હાથ ધરી છે.

પ્રાપ્ત વિગતો અનુસાર બાકરોલ ગામના લીમડી ચોક અને બુરેજવાળા નજીક બે જૂથનાયુવકો વચ્ચે બાઈક અથડાવવા બાબતે ઝઘડો થયો હતો. જેની અદાવત રાખી સવારે સાડા નવ વાગ્યાના આસપાસ બંને જ્ઞાતિના લોકો વચ્ચે સામાન્ય બોલાચાલી બાદ મામલો ઉગ્ર બનતા બીચક્યો હતો. બંને જ્ઞાતિના લોકો સામસામે આવી ગયા હતા અને એકબીજા પર છુટ્ટા હાથે ભારે પથ્થરમારો કરતા નાસભાગ મચી હતી જે કારણે વિસ્તારમાં વ્યાપક તંગદીલી ફેલાઈ હતી.

આ વિવાદમાં અંજુમનને લાફો મારી ગાળો બોલી તેમજ આરીફમીયા ઉર્ફે હારુનમીયા સીકંદરમીયા મલેકને લાફો મારી ગાળો બોલી જાનથી મારી નાખવાની ધમકીઓ આપી હતી. પોલીસે આ મામલે બંને પક્ષની સામાસામી ફરિયાદ નોંધી વધુ તપાસ હાથ ધરી છે.