ક્રાઈમ:શીલીમાં કરબડા કાઢવા બાબતે લાકડીથી હુમલો

શીલી ગામના કલ્યાણપુરામાં ગઇકાલે કરબડા કાઢવા બાબતે ખેતરના જુના માલીકે ઝગડો કરી કરબડા કાઢવાનું કામ લેનાર વ્યકિતને ગાળો બોલી લાકડીઓથી મારમાર્યો હતો.

ઉમરેઠ તાલુકાના સીલી તાબે કલ્યાણપુરામાં માનાભાઇ ઉર્ફે મફતભાઇ બુધાભાઇ પરમાર ઉ.વ.૫૧ પોતાના પરિવાર સાથે રહે છે. અને ખેતીકામ કરેે છે. જીવાપુરામાં આવેલી મનુભાઇ ઉદાભાઇ પરમારની જમીન ખંભોળજના ગુલાબસિંહ મોહનસિંહ રાજે વેચાણ રાખેલી હતી. જેમાં તમાકુનો પાક કર્યો હતો. જેના કરબડા માનાભાઇ કાઢે છે. ગઇકાલે તેમણે પોતાના બે માણસ રમેશ અને ટીનાભાઇને બે બળદ લઇ ગુલાબસિંહના ખેતરમાં કરબડા કાઢવા મોકલ્યા હતા. ત્યારે મનુભાઇ ઉદાભાઇ પરમારે ગાળો બોલી તેમને ત્યાંથી ભગાડી મુકયા હતા. એટલે મનુભાઇએ ગુલાબસિંહને બધી વાત કરી હતી. જેથી ચાર વાગે ગુલાબસિંહ આવ્યા હતા. ત્યારે મનુભાઇ પરમારમાનાભાઇ પર ઉશ્કેરાઇ ગયા હતા. અને તેમણે તેમને લાકડી મારી દીધી હતી. આ દરમ્યાન તેમની પત્ની મધુબેન અને માતા ડાહીબેન પણ આવી ગયા હતા. આ લોકોએ ગાળો બોલી ઉશ્કેરણી કરી હતી. દરમ્યાન ગુલાબસિંહ વચ્ચે પડી માનાભાઇને છોડાવ્યા હતા.