તસ્કરી:તારાપુરમાં પુન: સાયલન્સર ગેંગ સક્રિય, 2 કારના સાયલન્સર ચોર્યા

આણંદ જિલ્લાના તારાપુર ખાતે મહાવીર સોસાયટીમાં બદનસિંહ બલરામ કુશવાહ પરિવાર સાથે રહે છે. અને વ્યાપાર-ધંધો કરી જીવન ગુજરાન ચલાવે છે. તેઓએ પોતાના ધંધા તેમજ ઘર વપરાશ માટે એક ઈકો કાર વસાવી છે. રાત્રિના સમયે કોઈ અજાણ્યા શખ્સોએ ઈકો કારમાંથી સાયલન્સરની ચોરી કરી હતી. જેની જાણ સવારમાં થઈ હતી.

એ સમયે તેમને જાણવા મળ્યું હતું કે, તેમની સાથે તેમની પાડોશમાં રહેતા વિક્રમભાઈની ઈકો કારમાંથી પણ તસ્કરો સાયલન્સર ચોરી ગયા છે. આ મામલે તેમણે તારાપુર પોલીસ સ્ટેશને 40 હજારના સાયલન્સરની ચોરીની ફરિયાદ નોંધાવી હતી. છ માસ અગાઉ આણંદ જિલ્લામાં સાયલન્સરમાં પ્રદુષણ કંટ્રોલ કરતાં પ્લેટીનમને કારણે સાયલન્સર ચોેરી કરતી ગેંગને પોલીસે ઝડપી પાડી હતી.