વેક્સિનેશન:14 કેન્દ્રમાં 1400ના લક્ષ્યાંક સામે માત્ર 510એ જ રસી મુકાવી, કર્મીઓને વેક્સિનની આડઅસર થતા અન્યમાં ગભરાટ

આણંદ જિલ્લાના 14 રસીકરણ કેન્દ્ર પર મંગળવારે રસીકરણની કામગીરી હાથ ધરવામાં આવી હતી. પરંતુ શનિવારે પોલીસકર્મીઓને મૂકવામાં આવેલી વ્ક્સિનને કારણે કેટલાકને આડઅસર થઈ હતી. જેથી સરકારી કર્મચારીઓએ વેક્સિન મુકાવવામાં રસ ન રાખતા માત્ર 38 ટકા સિદ્ધી મળી હતી. ે મંગળવારે 14 રસીકરણ કેન્દ્ર પર રસી મુકાવામાં આવી હતી. જેમાં સૌથી વધુ સોજીત્રા કેન્દ્ર 129 સરકારી કર્મી અને સૌથી ઓછી તારાપુર કેન્દ્ર પર માત્ર 11 સરકારી કર્મીઓ રસી મુકાવ ી છે. જો કે 14 કેન્દ્ર પર 1400ના લક્ષ્યાંક સામે 510 સરકારી કર્મચારીઓ રસી મુકાવતા માત્ર 38 ટકા રસીકરણ થયું છે.

આણંદ જિલ્લાના તારાપુર સીએચસી પર 11,બોરસદ સીએચસી પર15, નાપા સીએચસી પર 15, બોરસદ શ્રધ્ધા હોસ્પિટલમાં 40, અંજલી હોસ્પિટલમા 11, ખંભાતમાં 35, પેટલાદ સિવિલમાં 39, આણંદ સિવિલ હોસ્પિટલમાં 98, ગણેશ ચોકડી કેન્દ્ર માં 38, બાકરોલ પીએચસી કેન્દ્રમાં 33, વિદ્યાનગરમાં 18, ઉમરેઠ સીએસચીમાં 14 અને આંકલાવમાં 14 તથા સોજીત્રામાં 129 સરકારી કર્મચારીઓ વેકસિન લેતા 510 કર્મચારીઓ રસી મુકાવી હતી. જયારે આણંદ જિલ્લા ઇન્ચાર્જ આરોગ્ય અધિકારી શાલીબેને જણાવ્યું હતું કે વેક્સિન સામાન્ય અસર બે દિવસ રહે છે. સૌએ ગભરાયા વિના વેક્સિન લેવા જણાવ્યું હતું.