વાયરલ વીડિયો:આણંદમાં વિદ્યાર્થિનીને નગ્ન અવસ્થામાં વિડીયો કોલ કરી પ્રોફેસરની બિભત્સ માંગ

આણંદ9 દિવસ પહેલા
  • કૉપી લિંક
નગ્ન અવસ્થામાં લોભામણી વાત કરી બિભત્સ માંગણી કરતો  પ્રોફેસર. - Divya Bhaskar
નગ્ન અવસ્થામાં લોભામણી વાત કરી બિભત્સ માંગણી કરતો પ્રોફેસર.
  • પ્રોફેસરે ઓફિસમાં કે અન્ય વ્યવસાયિક સ્થાનમાંથી બિભત્સ અવસ્થામાં ફોન કર્યાની ચર્ચા

શિક્ષણનગરી આણંદની એક જાણીતી કોલેજમાં કોન્ટ્રાક્ટ પર અગાઉ ફરજ બજાવી ચૂકેલા પ્રોફેસરે કોલેજમાં અભ્યાસ કરતી વિદ્યાર્થિનીને ઓનલાઈન વિડીયો કોલ કરીને નગ્ન અવસ્થામાં લોભામણી વાત કરી બિભત્સ માંગણી કરી હોવાનો આક્ષેપ કરતો એક નનામો પત્ર સોશિયલ મીડિયામાં ફરતો થયો છે. જોકે, સમગ્ર પત્રની અને ઘટનાની કોઈ ખરાઈ થઈ શકી નથી.

આ અંગેની સૂત્રો દ્વારા પ્રાપ્ત માહિતી અનુસાર, હાલમાં સોશિયલ મીડિયા પર ફરતા થયેલા આ પત્રમાં પ્રોફેસરે બે માસ અગાઉ એક વિદ્યાર્થિનીને કોલ કર્યો હતો. જેમાં તે નગ્ન અવસ્થામાં છે અને તે વિદ્યાર્થિની પાસે બિભત્સ માંગણી કરી રહ્યો છે. એવું કહેવાય રહ્યું છે કે, આ વિડીયો 10 મિનિટનો છે. જેમાં માત્ર પ્રોફેસર યુવક દેખાઈ રહ્યો છે પરંતુ સામે કોઈ યુવતી કે અન્ય કોઈ પાત્ર દેખાતું નથી. જેને પગલે સમગ્ર વિડીયો ઇરાદાપૂર્વક બનાવવામાં આવ્યો હોવાનું મનાઇ રહ્યું છે. પત્રમાં જે નામનો ઉલ્લેખ છે તે નામની વ્યક્તિ છેલ્લાં પાંચ વર્ષમાં જે તે ફેકલ્ટીમાં ભણીને ગઈ હોય તેવું પણ ક્યાંય જાણવા મળ્યું નથી.

વિડિયો પત્ની સાથેનો હોવાનું કહેવાઈ રહ્યું છે
સમગ્ર મામલો જ્યારે બહાર આવ્યો ત્યારે પ્રોફેસર નગ્ન અવસ્થામાં બિભત્સ ચેનચાળા કરી રહ્યા છે. જોકે, જે તે સમયે વિડીયો બહાર આવ્યો અને વિદ્યાર્થિનીઓએ રજૂઆત કરી ત્યારે પ્રોફેસરે સમગ્ર વિડીયો પત્ની સાથેનો હોવાનું કહીને વાતને વાળી હતી. પરંતુ સમગ્ર પત્રમાં એવો પણ આક્ષેપ કરાઈ રહ્યો છે કે પ્રોફેસર જે જગ્યાએ ઊભા રહ્યા છે તે જગ્યા ઘરની નથી. તે કોઈ ઓફિસ હોય તેમ જણાઈ રહ્યું છે.

રજૂઆત નથી મળી, પણ પ્રોફેસર નોકરી છોડીને જતા રહ્યા છે
જોકે, સમગ્ર મામલે જ્યારે જાણીતી શૈક્ષણિક સંસ્થાના ઉચ્ચ અધિકારી સાથે વાતચીત કરી ત્યારે તેમણે જણાવ્યું હતું કે, આવી કોઈ રજૂઆત મળી નથી. જોકે, પ્રોફેસર કોન્ટ્રાક્ટમાં હોય અને તેમને એક ખાનગી કંપની દ્વારા સારી ઓફર મળતાં તેઓ બે મહિના પહેલાં નોકરી છોડીને જતા રહ્યા હોવાનું પણ ચર્ચાઇ રહ્યું છે.

સોશ્યલ મીડિયામાંથી ફોટો ડિલીટ કર્યા
સમગ્ર બનાવમાં શખસે પકડાય નહીં તે હેતુસર જે તે સમયે સોશિયલ મીડિયા પરથી તેના તમામ ફોટો ડિલીટ કરી દીધા હોવાનો આક્ષેપ પણ વિદ્યાર્થિનીના નામે ફરતા થયેલા પત્રમાં કરવામાં આવ્યો છે.