હાશકારો:ત્રણ પર હુમલો કરનાર કપીરાજ પાંજરે પુરાયો

ખંભાતના કતકપુર વિસ્તારમાં એક દિવસમાં કપિરાજે ત્રણ વ્યક્તિઓને ગંભીર ઈજાઓ પહોંચી છે.કતકપુર વિસ્તારમાં રહેતા સ્થાનિકોમાં કપિરાજના આંતકથી ભયનો માહોલ સર્જાયો છે. કપિરાજે ખંભાતના કોલેજ નજીક આવેલ કતકપુર વિસ્તારમાં ભયાનક આંતક મચાવ્યો છે. કપિરાજ દ્વારા હુમલો કરાતા એક દિવસમાં ત્રણ વ્યક્તિઓ ગંભીર રીતે ઇજાગ્રસ્ત બન્યા છે. ખંભાતના કતકપુર વિસ્તારમાં રહેતા વયો વૃદ્ધ શનાભાઇ બુધરભાઈને પગના ભાગે ગંભીર ઈજાઓ પહોંચતા15જેટલા ટાંકા લેવા પડયા છે.અને જ્યારે અન્ય વૃદ્ધ અંબુભાઈ મફતભાઈ બારૈયાને ડાબા હાથ પર ગંભીર ઈજાઓ પહોંચી છે જ્યારે કતકપુર નજીક સાનિધ્ય સોસાયટીમાં રહેતી એક વ્યક્તિને પણ ઈજાઓ થઈ છે. તમામ ઇજાગ્રસ્તોને સારવાર અર્થે હોસ્પિટલમાં ખસેડવામાં આવ્યા છે.

આખરે વન વિભાગે કપીરાજને ઝડપી પાડયો
ત્રણ વ્યક્તિઓ ગંભીર રીતે ઘવાયા બાદ સ્થાનિકોએ વનવિભાગને જાણ કરી હતી.ત્યારબાદ વનવિભાગની ટીમ બપોર બાદ દોડી આવી હતી.અને પાંજરૂ મુકીને કપીરાજને પકડવાની કામગીરી હાથધરી હતી. એક કલાકની જહેમત બાદ આખરે કપીરાજ પાંજરે પુરૂવામાં વન વિભાગને સફળતા મળી હતી.જેથી ગ્રામજનો હાશકારો અનુભવ્યો હતો.