કામગીરી:ગેરકાયદે રેતી ખનન કરતાં ઈસમને 4.85 લાખનો દંડ

આંકલાવના ગંભીરા-બામણગામ મહીસાગર નદી કિનારે ગેરકાયદેસર રીતે રેતી ખનન કરવામાં આવતું હોવાની આણંદ ખાણ ખનીજ વિભાગને ફરીયાદો મળી હતી. ગેરકાયદે રેતી વહન કરતાં સાધનો ડીટેઈન કરી આંકલાવ પોલિસ મથકે લઇ જવાયા હતા.ત્યાર બાદ તંત્ર દ્વારા નોટીસ આપી અહેવાલ તૈયાર કર્યો હતો. જેના આધારે બામણગામના ઈસમને તપાસના આધારે રૂ 4.85 લાખ દંડ ફટકાર્યો હતો.તંત્ર ધ્વારા વધુમાં જણાવેલ કે આણંદ જીલ્લામાં મહીસાગર નદી કિનારે આવેલ ખાનપુર, વહેરાખાડી,અહીમા,વાસદ સહિત અન્ય જગ્યાએ ગેરકાયદેસર રેતીનું ખનન થતું અટકાવવાના ભાગરૂપે ટીમો બનાવી દરોડા પાડવામાં આવનાર છે.