ફરિયાદ:ઈસણાવની સગીરાને ગામનો જ યુવક ભગાડીને લઈ ગયો

સોજીત્રાના ઈસણાવ ગામે ગણેશપુરામાં રહેતા અેક સગીર વયની દિકરીને ગત 30મી જાન્યુઆરીની મધ્યરાત્રીના સુમારે ગામમાં રહેતા વિષ્ણુ પરમાર ફોસલાવી પટાવી લગ્ન કરવાની લાલચ આપી ભગાડીને લઈ ગયો હતો.

જે અંગે સગીરાના પિતાઅે તપાસ કરતા ગામમાં લીમડાવાળા ફળિયામાં રહેતા લાલાભાઈ હરમાનભાઈ પરમારના દિકરા ભુરીયાએ સગીરાને ભગાડી જવા માટે વિષ્ણુ પરમારને મદદ કરી હતી. અને ભુરીયો જ વિષ્ણુ અને સગીરાને કોઈ જગ્યાએ મુકી આવ્યો હોવાનું જાણવા મળતા આ બનાવ અંગે સગીરાના પિતાઅે સોજીત્રા પોલીસ મથકે વિષ્ણુ ઉર્ફે ફુલો રામાભાઈ પરમાર અને ભુરીયા ઉર્ફે લાલાભાઈ હરમાનભાઈ પરમાર વિરુદ્ધ ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે.