ભાસ્કર વિશેષ:ઈ.સ. 1725માં આદિવાસી સેનાએ સરકાર સામે બળવો કર્યો હતો

આણંદએક મહિનો પહેલા
  • કૉપી લિંક
  • SP યુનિવર્સિટીમાં રાષ્ટ્રીય અનુસૂચિત જનજાતિ આયોગના સંયુક્ત ઉપક્રમે વ્ખાખ્યાન યોજાયું

વલ્લભ વિદ્યાનગર સ્થિત સરદાર પટેલ યુનિવર્સિટીમાં રાષ્ટ્રીય અનુસૂચિત જનજાતિ આયોગના સંયુક્ત ઉપક્રમે સ્વાતંત્ર સંગ્રામમાં જનજાતિના નાયકોનું યોગદાન પર વ્ખાખ્યાન યોજાયું હતું. જેમાં એક પ્રદર્શનીનું પણ આયોજન કરવામાં આવ્યું હતું.

રાષ્ટ્રીય અનુસૂચિતજનજાતિ આયોગ દ્વારા યોજવામાં આવેલા વ્યાખ્યાનમાં જેમાં જનજાતિના નાયકો દ્વારા સ્વાતંત્ર સંગ્રામમાં આપેલ યોગદાન વિશે જણાવવામાં આવ્યું હતું. ઇતિહાસમાં ઘણા એવા નામ છે જેનો ઉલ્લેખ પુસ્તકોમાં થયો નથી, જેમાં બિરસામુંડા,અલ્લુરિ સીતારામ રાજૂ, રાણી ગઈદીન્યુલી વગેરેનો ફાળો રહ્યો છે. ભારત સરકારના જનજાતિ આયોગ દ્વારા જાગૃતિ કાર્યક્રમો દ્વારા આયોગ કેવી રીતે કામ કરે છે આયોગમાં શું શું આવે છે તે અંગે માહિતી અપાઈ હતી.

આ કાર્યક્રમમાં ઈ. સ. 1725માં 70-80 આદિવાસી સ્વાતંત્રી સેનાનીઓએ બ્રિટિશ સરકાર સામે કરેલા બળવા, આદિવાસી પ્રજાતિનું જ્ઞાન-વિજ્ઞાન, તેઓ દ્વારા ઝારખંડ બિહાર અને મધ્યપ્રદેશમાં કરવામાં આવેલા આંદોલનોને અલગ અલગ ચિત્રો દ્વારા પ્રદર્શિત કરવામાં આવ્યા હતા. જનજાતિ આયોગ દ્વારા બિરસામુંડા યુનિવર્સિટી, ગુજરાત યુનિવર્સિટી, વીર નર્મદ સાઉથ ગુજરાત યુનિવર્સિટી, અને સરદાર પટેલ યુનિવર્સિટી સહિત 124 જગ્યાએ કાર્યક્રમ યોજ્યા હતા જેમાં આદિવાસી અધિકારો હક્કોનું રક્ષણ કાયદાકીય કાર્યવાહીઓ અંગે માર્ગદર્શન પણ અપાયું હતું.

અન્ય સમાચારો પણ છે...