માગણી:આણંદ-ખંભાત ડેમુ ટ્રેન શરૂ કરવા રજૂઆત કરાઈ

અમદાવાદથી કેવડીયા જતી જન સતાબ્દી ટ્રેનને આણંદ સ્ટેપેજ નહીં મળતા રેલ્વે વિભાગમાં રજૂઆત કરી છે. ત્યારે કોરોના મહામારીના આણંદ-ખંભાત વચ્ચે દોડતી ડેમુ ટ્રેન બંધ કરી દેવાતાં ખંભાત,તારાપુર અને પેટલાદ મુસાફરો રેલ્વે ટ્રેનની સુવિધાથી વંચિત બન્યા હતા. ત્યારે હાલમાં કોરોના સંક્રમણ ઘટી રહ્યું હોવાથી ખંભાત -આણંદ વચ્ચે પુનઃ ડેમુ ટ્રેન દોડવવા માટે આણંદના સાંસદ મિતેષભાઈ પટેલે રેલ્વેના મંત્રી પિયુષ ગોયેલને લેખિતમાં રજુઆત કરી છે.

લોકડાઉન પહેલા આણંદથી ખંભાત લાઈન પર દરરોજ 8 જેટલા રૂટો સાથે ડેમુ ટ્રેન દોડાવવામાં આવતી હતી.જેમાં વિધાનગર જીઆઇડીસી, આણંદ અમુલ ડેરી સહિત અન્ય કંપનીઓ હજારોની સંખ્યામાં લોકો રોજગારી માટે દિન-પ્રતિદીન ઉમટી પડતા હતા. જયારે ડેમુ ટ્રેનમાં ભાડુ ઓછુ હોવાથી વિદ્યાર્થીઓ સહિત નોકરિયાત વર્ગ મુસાફરી કરવાનું વધુ પસંદ કરતા હતા.