ધરપકડ:ચિખોદરા-આણંદમાં 280 નંગ બિયર સાથે બે શખ્સ ઝડપાયા

આણંદ પાસે ચિખોદરા અને આણંદ શહેરમાંથી પોલીસે 280 નંગ બિયર સાથે બે શખ્સને ઝડપી પાડ્યા હતા.આણંદ લોકલ ક્રાઈમ બ્રાન્ચની ટીમને ચીખોદરા રાજનગર ખાતે આવેલી હરિદર્શન સોસા.સામે રહેતો પપ્પુ લાલજી ઉર્ફે ગોપાલ વાઘેલા વિદેશી દારૂનું વેચાણ કરે છે.

જેથી એલસીબીની ટીમે તેના ઘરે દરોડો પાડતાં ઘરમાં બેડરૂમમાં આવેલા પલંગ નીચે છુપાવી રાખેલી 276 નંગ બિયરના ટીન મળી આવ્યા હતા. પોલીસે મોબાઈલ, રોકડ સહિત કુલ 51 હજારનો મુદ્દામાલ કબ્જે કરી વિદેશી દારૂ ક્યાંથી લાવ્યો હતો અને ક્યાં લઈ જતો હતો તેની તપાસ હાથ ધરી છે.બીજા બનાવમાં અમુલ ડેરી રોડ સ્થિત સુરભી હોટલ પાછળની ઓરડી પાસેથી શકમંદહાલતમાં ઊભેલા શખ્સની થેલીમાંથી પોલીસે ચાર બિયર કબ્જે લઇ પોલીસે ગુનો નોંધી કાર્યવાહી હાથ ધરી છે.