બેવડી ઋતુ:ચરોતરમાં દિવસે તાપમાન ઉંચુ રહેતાં દિવસે ઠંડી ઘટી, રાત્રે ઠંડી - દિવસે ગરમી

આણંદ-ખેડા જિલ્લા સહિત સમગ્ર પંથકમાં અનિયમિત દિશાના પવન વચ્ચે ગુરુવારે ઠંડીમાં સામાન્ય ઉતાર-ચડાવ નોંધાયો હતો. જ્યારે ગરમીનો પારો અડધો ડિગ્રી ઉચકાતાં મહત્તમ તાપમાન 31.5 ડિગ્રીની પર પહોંચ્યો હતો. આમ સતત બીજા દિવસે પણ આણંદ શહેર સહિત પંથકમાં 31.5 ડિગ્રી તાપમાનના કારણે બપોર બાદ ગરમીની અસર વર્તાવવા માંડી હતી.

બીજી બાજુ છેલ્લા બે દિવસથી લઘુત્તમ તાપમાનનો પારો 11 ડિગ્રી પર સ્થિર રહેતાં સાંજ બાદ જ્યાં ગરમ કપડાંનો સહારો લેવો પડે છે, ત્યાં દિવસના ઉંચા તાપમાન કારણે અનુભવાતી ગરમીના કારણે બેવડી ઋતુનો અનુભવ થઇ રહ્યો છે.આણંદ કૃષિ યુનિ.ના હવામાન વિભાગના જણાવ્યા અનુસાર, અગામી પાંચ દિવસો આકાશમાં અંશત: વાદળો રહી શકે છે. જેના કારણે આગામી 24 કલાક ઠંડી અને ગરમીની સ્થિતિ રહેવાની શક્યતા છે. ત્યાર બાદ શનિવાર થી ઠંડીનું પ્રમાણ ઘટવાનું શરૂ થશે.