તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

કોરોના અપડેટ:આણંદ જિલ્લામાં કોરોના હાંફ્યો, આજે એકપણ કેસ નહીં, 12 દર્દી ડીસ્ચાર્જ થયા

આણંદ23 દિવસ પહેલા
  • કૉપી લિંક
  • જિલ્લામાં હવે 17 એક્ટિવ કેસ
  • આજે 10031 લોકોનું રસીકરણ કરવામા આવ્યું

આણંદ જિલ્લામાં કોરોના સંક્રમિત નાગરિકોનો પ્રવાહ ધીમો થઈ રહયો છે.કોરોના જિલ્લામાં વિદાય લે તેવી પરિસ્થિતિ જણાઈ રહી છે. જૂન ના છેલ્લા સપ્તાહ બાદ આજે જુલાઈ ની શરૂઆતમાં ફરી કોરોના સંક્રમણ ના નવા 0(શૂન્ય) કેસ નોંધાયા છે.આણંદ જિલ્લામાં નોંધાયેલ કોરોનાના એક્ટિવ કેસ 17 છે.જિલ્લામાં શરૂ થયેલ રસીકરણમાં આરોગ્ય તંત્રની કામગીરી અપૂરતા વેકસીન જથ્થાને કારણે અટવાઈ છે. જિલ્લામાં નાગરિકોના મહારસીકરણ અભિયાનનો પ્રારંભ થઈ ચુક્યો હોઇ આજે કુલ માત્ર 10031 નાગરિકોનું રસીકરણ કરાયું છે.

આણંદ જિલ્લા આરોગ્ય વિભાગની કોરોનાની સત્તાવાર યાદી અનુસાર સોમવારે કોરોના સંક્રમણની સ્થિતિ જોઈએ તો આજે 0(શૂન્ય) દર્દી પોઝીટીવ નોંધાયા છે.દૈનિક સંક્રમિતોની ઘટતી અને નહિવત નોંધાતી સંખ્યા ને લઈ સરકારી તંત્રમાં હાશકારો વ્યાપી રહ્યો છે.જોકે પ્રજા માટે હરખવા જેવી બાબત નથી જો સાવચેતી હટી તો દુર્ઘટના ઘટી ઉક્તિ અનુસાર ફરી તકલીફોનો સામનો કરવો પડી શકે તેમ છે.આ સાથે જ અત્યાર સુધીના સંક્રમિત દર્દીઓનો કુલ આંકડો 9595 સુધી પહોંચ્યો છે. જેમાંથી અત્યાર સુધી 9530 ને સારવાર બાદ સારું થઈ જતાં તેમને રજા આપી દેવામાં આવી છે.કોરોના થી મૃત્યુ પામેલ દર્દીઓનો અત્યાર સુધીનો મૃત્યુઆંક 48 નોંધાયો છે.

આણંદ જિલ્લામાં હાલ 17 દર્દીઓ સારવાર હેઠળ છે. જેમાંથી 12 ની હાલત સ્થિર છે.2 દર્દીઓને ઓક્સિજન પર રાખીને સારવાર કરવામાં આવી રહી છે. 1 દર્દીઓ બાયપેય ઉપર અને 2 દર્દી વેન્ટિલેટર ઉપર સારવાર લઈ રહ્યા છે.5 દર્દીઓ કરમસદની શ્રીકૃષ્ણ હોસ્પિટલમાં સારવાર હેઠળ છે.અન્ય તમામ હોસ્પિટલમાં કોરોના દર્દીઓ સારવાર મુક્ત થઈ ગયા છે.જ્યારે હાલ 12 દર્દીઓ હોમ આઈસોલેશનમાં સારવાર લઈ રહ્યા છે.

અન્ય સમાચારો પણ છે...