ક્રાઇમ:ઝઘડામાં છોડાવવા વચ્ચે પડેલા યુવકને ધારીયું માર્યું

બોરસદના ખાનપુર ગામે રોહિતવાસમાં રહેતો યુવક ઝઘડામાં વચ્ચે છોડાવવા પડતા તેને ધારીયું મારી ઈજાઓ કર્યાની ફરિયાદ વીરસદ પોલીસ મથકે નોંધાઈ છે.ખાનપુર ગામે રોહિતવાસમાં પંકજભાઈ મકવાણાના મોટાભાઈ મનુભાઈ મકવાણાની બાજુમાં રહેતા મેહુલભાઈ રોહિત પોતાના ઘરમાં જશભાઈ રોહિત સાથે અપશબ્દો બોલી ઝઘડો કરતો હોવાથી મનુભાઈ અને પંકજભાઈ બંને જણા મેહુલભાઈના ઘરે જઈ ઝઘડામાં છોડાવવા પડ્યા હતાં. ત્યારે જશભાઈ રોહિતે તું અહીયા છોડાવવા કેમ આવ્યો તેમ કહી ધારીયું મારવા જતા પંકજને હાથમાં ધારીયું વાગતા ઈજાઓ પહોંચી હતી. અને જશભાઈએ જાનથી મારી નાખવાની ધમકીઓ આપી હતી. જેથી આ બનાવ અંગે પંકજભાઈ મકવાણાએ વીરસદ પોલીસ મથકે જશભાઈ રોહિત વિરુદ્ધ ફરિયાદ નોંધાવતા પોલીસે ગુનો નોંધી વધુ તપાસ હાથ ધરવામાં આવી છે.