ઝેરી કોબ્રા પ્રજાતિનો સાપ:બાકરોલના રામપુરામાં ખોદકામ દરમિયાન 26 ઝેરી સાપ નિકળ્યા

આણંદના બાકરોલ તાબે રામપુરા વિસ્તારમાં એક કન્સ્ટ્રકન સાઇડના ખોદકામ દરમિયાન એક પછી એક સાપ બહાર નીકળતાં કામ કરતાં મંજૂરોમાં નાસભાગ મચીં ગઇ હતી. આ વિસ્તારમાં જવલે જ જોવા મળતો સૌથી ઝેરી કોબ્રા પ્રજાતિનો સાપ મળી આવ્યો હતો.

નેચર હેલ્પ ફાઉન્ડેશન ને કોઇ સાપ અંગેની જણ કરતાં વોલેન્ટરી ધર્મેન્દ્ર પરમાર અને શૈલેષ માછી પોતાની ટીમ સાથે પહોંચી ગયા હતા. તેઓ તપાસ કરતાં મોટાપ્રમાણ સાપ હોવાનું જણાઇ આવ્યું હતું.ત્યારબાદ બે કલાકની જહેમતના અંતે 26 સાપને વારં ફરતી પકડીને તેને પ્લાસ્ટીકની કોથળીમાં મુકવામાં આવ્યા હતા,ધર્મેન્દ્ર પરમારે જણાવ્યું હતું કે 26માંથી 6 થી 7 સાપ ઝેરી હતા.જેમાં 1 કોબ્રા સાપ હતો.

જયારે 2 ફુકરી સહિત અન્ય ઝેરી સાપ મળ્યા હતા.જેમાં કોબ્રા અને ફુકરી સાપ કરડે તો માનવીનો જીવ જોખમ મુકાઇ જાય છે જયારે 20 ધામણ હતી. જે આ વિસ્તારમાં વધુ જોવા મળે છે. જો કે હાલમાં ઠંડી ઘટતાની સાથે ગરમી પ્રમાણ વધી રહ્યું હોવાથી આવા સાપ દરમાંથી બહાર આવતાં હોય છે.