દુર્ઘટના:ડાલી કેનાલમાં ડૂબી જતા અજાણ્યા યુવકનું મોત

સોજીત્રાના ડાલી સીમમાંથી પસાર તથી મહિયારી શાખાની કેનાલમાં ડૂબી જતાં અજાણ્યા 25 થી 30 વર્ષીય યુવકનું મોત નિપજયું હતું. સોજીત્રાના ડાલી ગામમાં રહેતા રાજેશભાઈ પરમાર રવિવારે ડાલી ગામની સીમમાં મહી કેનાલ મહિયારી શાખા નજીકથી પસાર થતા હતા. ત્યારે નહેરમાં એક અજાણ્યો પુરુષ કોઈ પણ કારણોસર નહેરમાં ડુબી જઈ મરણ ગયેલી હાલતમાં જોવા મળતા રાજેશભાઈએ આ બનાવ અંગે તુરંત સોજીત્રા પોલીસ મથકમાં જાણ કરી હતી.

સોજીત્રા પોલીસ મથકના માણસો પણ સ્થળ પર દોડી જઈ ડૂબી ગયેલા યુવકની લાશને બહાર કઢાવી પીએમ માટે મોકલી આપી અકસ્માતે મોતની નોંધ કરી આગળની કાર્યવાહી હાથ ધરી છે. મરનાર યુવક ડાબા હાથે પી અને જમણા હાથમાં સૂર્ય નિશાન છુદણું કોતરાવેલ છે.સોજીત્રા પોલીસે આજુબાજુના ગામોના ગુમ થયેલા યુવકની સાથે મરનાર યુવકની ઓળખ મેળવવાના પ્રયાસ હાથ ધર્યો છે