પશુપાલકોમાં ફફડાટ:આણંદમાંથી ત્રણ ગાયો પકડી, રખડતી ગાયો પકડવાનું શરૂ કરાતા પશુપાલકોમાં ફફડાટ

આણંદમાં રખડતી ગાયોનો આતંક વધી જતાં વાહનચાલકો અકસ્માતનો ભોગ બનતા હતા. ત્યારે પાલિકાના વહીવટદારે ગાયો પકડવાની ઝુંબેશ હાથ ધરી ટીમોને આજે આદેશ કરતા શહેરમાં વહેલી સવારથી ગાયો પકડવાનું શરૂ કરી દેવાયુ હતું.

આણંદમાં બે હજાર ઉપરાંત રખડતી ગાયોના પશુપાલકો દ્વારા છોડી દેવામાં આવતી હોય છે. જેના પગલે વાહનચાલકો રખડતી ગાયોના પગલે તોબા પોકારી ગયા છે. જો કે, આ બાબતે હાઇકોર્ટમાં પણ રીટ દાખલ કરવામાં આવી હતી. જેના પગલે શનિવારે પાલિકાની ઢોર પકડતી ટીમોએ જુના બસ સ્ટેન્ડ રોડ શાકમાર્કેટ પાસે સહીત અન્ય વિસ્તારમાંથી 3 જેટલી ગાયો પકડી હતી. આ બાબતે પશુપાલકોને જાણ થતાં રૂા. 1500 દંડ ભરીને છોડાવી ગયા હતા. જો કે, અત્યાર સુધી પાલીકા તંત્ર દ્વારા દેખાવ પૂરતી કામગીરી કરવામાં આવતી હોવાનો આક્ષેપ નગરજનો દ્વારા કરાયો છે.