નિમણૂંક:આણંદ જિલ્‍લાના ચૂંટણી નિરીક્ષક તરીકે કુ. વી. આઇ. પટેલની નિમણૂંક કરાઈ

આણંદ જિલ્‍લામાં આણંદ જિલ્‍લાની છ નગરપાલિકાઓ આણંદ, બોરસદ, ખંભાત, પેટલાદ, ઉમરેઠ, અને સોજિત્રાની તથા આઠ તાલુકા પંચાયત આણંદ, બોરસદ, પેટલાદ, ઉમરેઠ, ખંભાત, તારાપુર, આંકલાવ અને સોજિત્રાની સામાન્‍ય ચૂંટણી તથા કરમસદ નગરપાલિકાની વોર્ડનં.1ની પેટા ચૂંટણી યોજાનાર છે. આ માટે ચૂંટણી નિરીક્ષક તરીકે ગાંધીનગર ગુજરાત મહિલા આયોગના સભ્‍ય સચિવ કુ. વી. આઇ. પટેલની રાજય ચૂંટણી આયોગ દ્વારા નિમણૂંક કરવામાં આવી છે.

રાજય ચૂંટણી આયોગ દ્વારા રાજયમાં નગરપાલિકાઓ તથા જિલ્‍લા/તાલુકા પંચાયતોની સામાન્‍ય ચૂંટણીઓ આગામી તા. 28/2/2021ના રોજ યોજવાનું નકકી કરવામાં આવેલ છે. જે અન્‍વયે આણંદ જિલ્‍લાની છ નગરપાલિકાઓ આણંદ, બોરસદ, ખંભાત, પેટલાદ, ઉમરેઠ, અને સોજિત્રા ની તથા આઠ તાલુકા પંચાયત (આણંદ, બોરસદ, પેટલાદ, ઉમરેઠ, ખંભાત, તારાપુર, આંકલાવ અને સોજિત્રા)ની સામાન્‍ય ચૂંટણી તથા કરમસદ નગરપાલિકાની વોર્ડ નં.૧ની પેટા ચૂંટણી તા. 28/2/2021 ના રોજ યોજાનાર છે. આ ચૂંટણીના ઉમેદવારીપત્રો ભરવા અંગેનું જાહેરનામું આગામી તા. 8/2/2021ના રોજ પ્રસિધ્‍ધ થનાર છે. આ જાહેરનામું પ્રસિધ્‍ધ થતાની સાથે જ ઉમેદવારીપત્રો રજૂ કરવાની પ્રક્રિયા શરૂ થનાર છે.