હાલાકી:આણંદ તુલસી ગરનાળાની કામગીરી અંતિમ તબકામાં

આણંદ તુલસી ગરનાળુ પહોળુ બનાવવાની કામગીરી છેલ્લા ઘણા વર્ષોથી હાથ ધરાઇ છે. જેના પગલે નગરજનોને 6 કિમીનો ફોગટનો ફેરો ફરવો પડતો હોઈ હાલાકીનો ભોગ બનવું પડે છે. આથી ફરિયાદોના પગલે તંત્રની સુચના હેઠળ ગરનાળુ બનાવવાની કામગીરી હાલમાં અંતિમ તબક્કામાં ચાલી રહી હોવાથી ટુંક સમયમાં તુલસી ગરનાળુ ખુલ્લુ મુકવામાં આવનાર હોવાનું સુત્રોએ જણાવ્યુ હતુ. પ્રાપ્ત માહિતી મુજબ આણંદ તુલસી ગરનાળુ એક તરફ કામગીરી પૂર્ણ થઈ ગયેલ છે.

પરંતુ વરસાદી પાણી નિકાલ માટે નવીન પાઈપ લાઈન નાંખવાની કામગીરી હાથ ધરવામાં આવી રહેલ છે.જેના પગલે પરીખ ભુવન વિસ્તાર, ગામડીના રહીશોને રેલ્વેના પાટા ઓળંગીને જીવના જોખમે અપ ડાઉન કરવાની ફરજ પડે છે.આથી નગરજનોની ફરિયાદોના પગલે તંત્ર દ્વારા યુધ્ધના ધોરણે કામગીરી આરંભી દીધી છે. જે અંતિમ તબકામાં ચાલી રહેલી હોઈ ટુંક સમયમાં તુલસી ગરનાળુ નગરજનોની સુવિધા અર્થે ખુલ્લુ મુકી દેવામાં આવનાર છે.