અકસ્માત:સામરખા ચોકડી નજીક બસની ટક્કરે યુવકનું મોત, પોલીસે ગુનો નોંધી તપાસ હાથ ધરી

આણંદ-ભાલેજ રોડ પર સમાચાર બ્રીજ પાસે બુધવારા રાત્રે લકઝરી બસની અડફેટ અજાણ્યો ભિખારી જેવા શખ્સનું મોત નિપજયું હતું. આ અંગે આણંદ શહેર પોલીસે ગુનો દાખલ કરીને તપાસ હાથ ધરી છે.નેશનલ હાઇવે નં 48 પર સામરખા ચોકડી બ્રીજ નીચેથી પૂરઝડપે પસાર ભાલેજ તરફથી આવી રહેલી લકઝરી બસે રોડ ક્રોસ કરી રહેલા એક અજાણ્યા ભિખારીને ટક્કર મારતાં રોડ પર પટકાયો હતો.

તેની પર લકઝરી બસનું ટાયર ફરી વળતાં શરીરે ગંભીર ઇજાઓ પહોંચતા ઘટના સ્થળે મોત નિપજયું હતું.આ બનાવની જાણ થતાં આણંદ શહેર પોલીસ ઘટનાસ્થળે દોડી ગઇ હતી. મરનાર શખ્સનો મૃતદેહ પી.એમ માટે આણંદ નગરપાિલકા હોસ્પિટલમાં મોકલી આપ્યો હતો. તેમજ પોલીસે લકઝરી બસના ચાલક વિરૂદ્ધ ગુનો દાખળ કરીને આગળની તપાસ હાથધરી છે.