ચૂંટણી:આણંદ પાલિકાની ચુંટણીમાં 8 મથકોની જગ્યા બદલાઈ, 190 મતદાન મથકો ઉભા કરાશે

આગામી 8મી ફેબ્રુઆરીએ નગરપાલિકાની ચુંટણીનું વિધિવત જાહેરનામું બહાર પડનાર છે.ત્યારે ચુંટણી વિભાગ દ્વારા ચુંટણી લક્ષી અત્યારથી તડામાર તૈયારીઓ આરંભી દેવાઈ છે.જેના ભાગરૂપે આણંદ પાલિકાની ચૂંટણી માટે 190 જેટલા મતદાન મથકો તૈયાર કરવામાં આવશે.બીજી તરફ ચુંટણી વિભાગ દ્વારા મતદારોને પડતી હાલાકીઓ નિવારવા માટે આણંદ પાલિકા ચુંટણીના 8 જેટલા મતદાર બુથ મથકોમાં મતદારોને હાલાકીઓનો ભોગ બનવુ પડે નહીં તે માટે ફેરફાર કરી નવી જગ્યાઓ બદલવામાં આવનાર છે. આ અંગે ચુંટણી વિભાગના સુત્રોએ જણાવ્યા મુજબ આણંદ નગર પાલિકાની ચુંટણી માટે શહેરમાં કુલ બુથ ૧૯૯ નકકી કરવામાં આવ્યા છે.જેમાં કંટ્રોલ યુનિટ ૨૩૦ અને બેલેટ યુનિટ ૪૫૮ અંદાજીત ચૂંટણી માટે વપરાશમાં રહશે.