સારવાર:શ્રીકૃષ્ણ હોસ્પિટલમાં હૃદયરોગથી પીડાતી કિશોરીને નવજીવન

કચ્છ જિલ્લાના વતની 13 વર્ષીય શકીના ઇબ્રાહીમ સમાને જન્મથી જ હૃદયરોગ હતો. જેને શ્રીકૃષ્ણ હોસ્પિટલ, કરમસદના ભાનુભાઇ અને મધુબેન કાર્ડિયાક સેન્ટરમાં લાવ્યા બાદ કાર્ડિયાક સેન્ટરના પીડિયાટ્રિક કાર્ડિયોલૉજીસ્ટ ડૉ.ભદ્ર ત્રિવેદીએ હૃદયમાં કાણું હોવાનું નિદાન કરી મિનિમલ ઇન્વેસીવ (કી હોલ) સર્જરીની ભલામણ કરી. આ સર્જરીથી લોહી વહેવાની શક્યતા નહિવત છે, ખૂબ જ ઓછી પીડા તથા ઝડપી રીકવરી, ચારપાંચ દિવસનું હોસ્પિટલનું રોકાણ અને એક અઠવાડિયામાં દૈનિક પ્રવૃત્તિ કરી શકાય છે. સફળતાપૂર્વક મિનિમલ ઇન્વેસીવ નવીન ટેકનોલૉજીથી સર્જરી કરી નવજીવન આપવામાં આવ્યુ. ડૉ. તિવારીના જણાવ્યા મુજબ ગુજરાતમાં ખુબ જ ઓછા સર્જન આ સર્જરીમાં નિપુણતા ધરાવે છે. આયુષ્યમાન ભારત યોજના હેઠળ આ મિનિમલ ઇન્વેસીવ પ્રિમિયમ સર્જરી કરવામાં આવી હતી.