અકીકના કારખાનામાં તસ્કરો ત્રાટક્યા:ખંભાતના ત્રણ કારખાનામાંથી એક જ રાતમાં અકીક ચોરાયું; તસ્કરો રૂપિયા 1.80 લાખનો મુદ્દામાલ ઉઠાવી ગયા

ખંભાત શહેરમાં આવેલા અકીકના કારખાનામાં તસ્કરોએ જુદા જુદા ત્રણ કારખાનામાંથી એક જ રાતમાં 1.80 લાખના અકીકનો મુદ્દામાલ ચોરી ગયા હતા. આ અંગે ખંભાત શહેર પોલીસે ગુનો નોંધી વધુ તપાસ હાથ ધરી છે.

ખંભાતના અકીકના કારખાનામાં તસ્કરો ત્રાટક્યા
ખંભાત શહેરના રાધારી જેલ નજીક આવેલા હકીકના ત્રણ કારખાનામાં રાત્રે તસ્કરો ત્રાટક્યા હતા. આ તસ્કરોએ મોડી રાત્રે પોપ્યુલર ટેબલ્સ એન્ડ ચિપ્સ ફેક્ટરીમાં ચોરી કર્યા બાદ અગેડ એક્સપોર્ટ ફેક્ટરીમાં ત્રાટક્યા હતા. અકીકના લગભગ અલગ અલગ 4,000 નંગ કિંમત રૂપિયા 70 હજાર અકીકનો બીજો અલગ તૈયાર થયેલો માલ આશરે 50 કિલો કિંમત 50,000 તથા અકીકના કાચા પથ્થર રફ માલ આશરે 600 કિલો કિંમત 60,000 મળી કુલ 1.80 લાખની મતાની ચોરી કરી ગયા હતા. આ અંગે વહેલી સવારે જાણ થતાં તમામ વેપારી ચોકી ઉઠ્યા હતા. આ અંગે શહેર પોલીસને જાણ કરતા ટીમ તાત્કાલિક સ્થળ ઉપર પહોંચી હતી અને કાર્યવાહી હાથ ધરી હતી. આ અંગે મોડી સાંજે ફરિયાદના ફરિયાદની આધારે ખંભાત પોલીસે ગુનો નોંધી કાર્યવાહી હાથ ધરી.