લોકોને ધરમધક્કા:ચુંટણી નજીક છે ત્યારે મતદાન ઓળખકાર્ડનું સર્વર ખોટકાયું

આણંદ જિલ્લા તથા તાલુકા પંચાયતો અને નગરપાલિકાઓની ચુંટણી આગામી 28મી ફેબ્રુઆરીના રોજ યોજાવવાની છે. ચુંટણીમાં મહત્વના દસ્તાવેજ એવા મતદાન ઓળખકાર્ડના સર્વર બંધ થઇ જતા લોકોને ધરમધક્કા થઇ રહ્યા છે.બે મહિના અગાઉ કરેલ સુધારા-વધારાની યાદી પ્રસિદ્ધ થઇ જતા લોકો પોતાના પીવીસી મતદાન ઓળખકાર્ડ મેળવવા માટે બોરસદ મામલતદાર કચેરી સ્થિત ચુંટણી કાર્ડ સેન્ટર પર આવી રહ્યા છે ત્યારે સર્વર બંધ થઇ જતા લોકોને કલાકો સુધી ઉભા રહેવું પડી રહ્યું છે તેમજ કેટલીક વાર આખો દિવસ સર્વર ખોટકાયેલ રહેતા લોકોને ધરમધક્કા થઇ રહ્યાં છે.