હુમલો:અમરેલીમાં યુવક પર પાઇપ વડે હુમલો કરાયો, ચાર શખ્સોએ પેસેન્જર બેસાડવા મુદે બોલાચાલી કરી

લીલીયામા રહેતા એક યુવકને અમરેલીમા ચાર શખ્સોએ વાહનમા પેસેન્જર બેસાડવા મુદે બોલાચાલી કરી પાઇપ વડે મારમારી ઇજા પહોંચાડતા તેણે આ બારામા અમરેલી સીટી પોલીસ મથકમા ફરિયાદ નોંધાવી છે.પ્રાપ્ત વિગત મુજબ, યુવક પર હુમલાની આ ઘટના અમરેલીમા બની હતી. લીલીયા રહેતા સિરાજ દિલુભાઇ બેલીમ નામના યુવકે અમરેલી સીટી પોલીસ મથકમા નોંધાવેલી ફરીયાદમા જણાવ્યું હતુ કે,

વાહનમા પેસેન્જર બેસાડવા મુદે હુસેન ખલીફા, આસીફ તેમજ અન્ય બે અજાણ્યા શખ્સોએ બોલાચાલી કરી હતી.આ શખ્સોએ તેને પાઇપ વડે મારમારી ઇજા પહોંચાડી હતી. તેમજ ઢીકાપાટુનો મારમાર્યો હતો. બનાવ અંગે પોલીસે આગળની કાર્યવાહી હાથ ધરી છે.