તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

તાઉ-તેની અસર સમગ્ર રાજ્યમાં:તાઉ-તે વાવાઝોડાના પગલે છેલ્લા 12 કલાકમાં ગુજરાતના 219 તાલુકામાં ભારેથી અતિભારે વરસાદ, સૌથી વધુ નડિયાદમાં 8.5 ઇંચ નોંધાયો

અમરેલીએક મહિનો પહેલા
મોરબીમાં ધોધમાર વરસાદથી રસ્તાઓ પર પાણી ભરાયા.
  • ભાવનગરમાં 6.3 ઈંચ વરસાદ પડ્યો

તાઉ-તે વાવાઝોડું ગત રોજ રાત્રીથી ગુજરાતમાં પ્રવેશ્યું છે. ઉનાથી પ્રવેશ કર્યા બાદ ભાવનગરથી ઉતર ગુજરાત તરફ આગળ વધી રહ્યું છે. ત્યારે વાવાઝોડાના રસ્તામાં આવેલા વિસ્તારમાં ભારે પવન સાથે ધોધમાર વરસાદ નોંધાયો છે. જેમાં છેલ્લા 12 કલાકમાં સૌથી વધુ ખેડા જિલ્લાના નડિયાદમાં 8.5 ઈંચ વરસાદ ખાબક્યો છે. જોકે, 6.4 ઈંચ વરસાદ તો માત્ર બપોરે 2થી સાંજે 6 વાગ્યા સુધીમાં નોંધાયો છે. જ્યારે ભાવનગરમાં 6.3 ઈંચ વરસાદ પડ્યો છે.

18 તાલુકામાં 4થી 8 ઇંચ સુધી વરસાદ પડ્યો
વાવાઝોડાના કારણે સોરાષ્ટ્ર, મધ્ય અને દક્ષિણ ગુજરાતમાં અતિભારે વરસાદની આગાહી વચ્ચે ધોધમાર વરસાદ પડ્યો છે. આ સાથે ભારે પવનના કારણે મોટી સંખ્યામાં વૃક્ષો ધરાશાયી થયા છે. છેલ્લા 12 કલાકમાં 1219 તાલુકામાં વરસાદ નોંધાયો છે. જેમાં સૌથી વધુ વરસાદ અમરેલીના બગસરામાં 8 ઈંચ વરસાદ પડ્યો છે. 18 તાલુકામાં 4 ઈંચથી 8 ઇંચ સુધીનો વરસાદ પડ્યો છે.

દરિયામાં હાલ પણ કરંટ જોવા મળી રહ્યો છે.
દરિયામાં હાલ પણ કરંટ જોવા મળી રહ્યો છે.

પવનની સાથે સાથે ભારે વરસાદ પડ્યો
ગુજરાતમાં સૌથી વધારે વરસાદ જે તાલુકાઓમાં પડ્યો છે તેમાં નડિયાદ, ભાવનગર, માતર(ખેડા), ઉમરગામ(વલસાડ), વસો(ખેડા), તારાપુર(આણંદ) અને પારડી(વલસાડ) છે. આ ઉપરાંત રાજ્યના 11 તાલુકામાં 4થી 5 ઇંચ જેટલો વરસાદ નોંધાયો છે.

ભારે પવ સાથે વરસાદથી લાંગરેલી બોટો કિનારે આવી ગઈ.
ભારે પવ સાથે વરસાદથી લાંગરેલી બોટો કિનારે આવી ગઈ.

સાયકલોન આગળ વધી રહ્યું છે
હવામાન વિભાગની આગાહી મુજબ સાયકલોન આગળ વધી રહ્યું છે તે મુજબ અમરેલી, રાજકોટ, બોટાદ, જુનાગઢ ,મોરબી, પાટણ, સુરેન્દ્રનગર, બનાસકાંઠા વગેરે જિલ્લાઓનો સમાવેશ થાય છે. તથા જેમ જેમ હવામાન ખાતા દ્વારા નવી આગાહી કરવામાં આવશે એમ જાણકરી આપવામાં આવશે.

રસ્તાઓ પર વૃક્ષો ધરાશાયી થતા રસ્તાઓ બંધ થયા.
રસ્તાઓ પર વૃક્ષો ધરાશાયી થતા રસ્તાઓ બંધ થયા.

છેલ્લા 12 કલાકનો વરસાદ

તાલુકો

કુલ વરસાદ

નડિયાદ8.5
ભાવનગર6.3
માતર5.7
ઉમરગામ5.7
વસો5.7
તારાપુર5.6
પારડી5.6
મહુધા5.1
આણંદ4.9
ખેડા4.9
સુરત શહેર4.9
ખંભાત4.8
ઓલપાડ4.6
સોજીત્રા4.3
મહેમદાવાદ4.3
જલાલપોર4.1
ખેરગામ4.1
રાજુલા4