ક્રાઈમ:બાંભણિયા ગામે યુવક પર બે શખ્સનો હુમલો

વડીયા તાલુકાના બાંભણીયા ગામે રહેતા એક યુવકને અહી જ રહેતા બે શખ્સોએ બોલાચાલી કરી માથામા કડુ ફટકારી મારમારી ઇજા પહોંચાડતા તેણે આ બારામા વડીયા પોલીસ મથકમા ફરિયાદ નોંધાવી છે. યુવકને મારમાર્યાની આ ઘટના વડીયાના બાંભણીયા ગામે બની હતી. અહી રહેતા અભયભાઇ સંજયભાઇ ગાૈસ્વામી (ઉ.વ.20) નામના યુવકે વડીયા પોલીસ મથકમા નોંધાવેલી ફરિયાદમા જણાવ્યું હતુ કે વિજય પોપટભાઇ સરવૈયા અને મયુરભાઇ ઓઘડભાઇ નામના શખ્સોએ ગાળો આપી ઢીકાપાટુનો મારમાર્યો હતો. તેમજ હાથમા પહેરેલ કડા વડે માથામા ઇજા પહોંચાડી હતી. આ ઉપરાંત અભયના બાપુજીના હાથે બટકુ ભરી મારમારી ઇજા પહોંચાડી હતી. બનાવ અંગે એએસઆઇ પી.જે.ગરૈયા આગળની તપાસ ચલાવી રહ્યાં છે.