અક્ષર જ્ઞાન:અમરેલીમાં ઝૂંપડપટ્ટીના બાળકોને શીતળા મંદિરે અક્ષર જ્ઞાન અપાશે, 85થી વધુ બાળકોને મળશે લાભ

અમરેલીના ઠેબી નદી કાંઠે આવેલા શીતળા માતાના મંદિર ખાતે પ્રકૃતિ એજ્યુકેશન એન્ડ વેલ્ફેર ટ્રસ્ટે વંચિતોને વિદ્યા કાર્યક્રમનો પ્રારંભ કર્યો હતો. જેમાં ઝૂંપડપટ્ટીના બાળકોને અક્ષર જ્ઞાન અપાશે. અમરેલી શહેરમાં પ્રકૃતિ એજ્યુકેશન એન્ડ વેલ્ફેર ટ્રસ્ટે સેવાનું ત્રીજું સોપાન શરૂ કર્યું છે. અહીં ઝુપડપટ્ટીમાં વસવાટ કરતા અને ફી ભરી ન શકવાના કારણે અભ્યાસ ન મેળવનાર બાળકો માટે ઠેબી નદીના કાંઠે આવેલ શીતળા માતાના મંદિર ખાતે વંચિતોને વિદ્યા કાર્યક્રમનો પ્રારંભ કરવામાં આવ્યો છે.

જેમાં ગરીબ પરિવારના 85 જેટલાનાના ભૂલકાઓને અઠવાડિયામાં બે વખત અક્ષર જ્ઞાન અપાશે.શીતળા માતાના મંદિર ખાતે પ્રકૃતિ એજ્યુકેશન એન્ડ વેલ્ફેર ટ્રસ્ટના કાર્યક્રમનો ભારતીબેન પંડ્યા, સોનલબેન ગઢીયા, ડી.જી. મહેતા, ભીખુભાઈ અગ્રાવત, ટ્રસ્ટી વસંતભાઈ મોવલીયા, કાળુભાઈ ભંડેરી, ડો.ભરત કાનાબાર અને મુકેશભાઇ જાનીએ શુભારંભ કરાવ્યો હતો.