• Gujarati News
  • Local
  • Gujarat
  • Amreli
  • Scorching Heat In Amreli Diocese; Mercury 41.5 Degrees, Plagued People With Heavy Blizzards All Day; Humidity In The Air Increased

અગનવર્ષા:અમરેલી પંથકમાં કાળઝાળ ગરમી; પારો 41.5 ડિગ્રી, આખો દિવસ ભારે બફારાથી લોકો ત્રસ્ત; હવામાં ભેજનું પ્રમાણ વધ્યું

અમરેલી22 દિવસ પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • કમોસમી વરસાદ બાદ ફરી તાપમાનનો પારો ઉંચકાયો

અમરેલી પંથકમાં આજે તાપમાનનો પારો ફરી 41.5 ડિગ્રી સુધી આંબી જતા આકાશમાથી જાણે અગનવર્ષા થતી હોય તેવી સ્થિતિ જોવા મળી હતી. અહી થોડા દિવસ પહેલા સાવરકુંડલા, રાજુલા, ખાંભા વિગેરે વિસ્તારમા કમોસમી વરસાદ પણ પડી ગયો હતો. અમરેલીમાં આજે મહતમ તાપમાન 41.5 ડિગ્રી નોંધાયુ હતુ. જયારે ન્યુનતમ તાપમાન 25.3 ડિગ્રી રહ્યું હતુ. તો હવામા ભેજનુ પ્રમાણ 80 ટકા અને પવનની પ્રતિ કલાક સરેરાશ ગતિ 9.6 કિમીની નોંધાઇ હતી.

બે દિવસ પહેલા શહેરમા આખો દિવસ વાદળછાયુ વાતાવરણ રહ્યું હતુ અને પારો એકાદ ડિગ્રી ઘટયો હતો જેને પગલે લોકોએ ગરમીમાથી આંશિક રાહત જરૂર અનુભવી હતી. પરંતુ આજે ફરી પારો ઉંચે ચડતા આકરા તાપથી લોકો ત્રાહિમામ પોકારી ઉઠયાં હતા. શહેરમાં આજે દિવસભર આકાશમા વાદળો જરૂર છવાયા હતા. પરંતુ આખો દિવસ ઉકળાટ વચ્ચે આકરો તાપ પડયો હતો. અત્રે ઉલ્લેખનીય છે કે અમરેલી પંથકમા એપ્રિલ માસ દરમિયાન પારો સતત 40 ડિગ્રીને પાર જ રહ્યો હતો અને કાળઝાળ ગરમી પડી હતી. હજુ પણ ગરમીનો પારો ઘટવાનુ નામ લેતો નથી.

અન્ય સમાચારો પણ છે...